قازاقستاندا جاڭادان 12 فۋتبول ستاديونى سالىنباق

- مينيسترلىك رەسپۋبليكا بويىنشا بارلىق سپورت نىساندارىنا تۇگەندەۋ جۇمىستارىن جۇرگىزدى. اتاپ ايتقاندا، ەلىمىزدە سپورتتىڭ ويىن تۇرلەرىنە ارنالعان (فۋتبول، ۆولەيبول، ستريتبول، ۆوركاۋت) 6100 جازىقتىق الاڭ بار، ونىڭ ىشىندە 1200 دەن استامى اۋىلدىق جەرلەردە ورنالاسقان. اۋىلدىق بالالار مەن جاس وسپىرىمدەردىڭ جىل بويى فۋتبولمەن، ميني فۋتبولمەن جانە سپورتتىق ويىندارمەن شۇعىلدانۋى ءۇشىن 358 سپورتتىق كەشەن قولدانىلادى. ەلىمىزدە 1500 دەن 30000 ورىندىق ءتيىستى ساناتتاعى 28 نەگىزگى ستاديون بار، سونداي-اق قىزىلوردا قالاسىندا 10 مىڭ ورىندىق تريبۋنالارى بار ءبىر ستاديون سالىنىپ جاتىر. ودان باسقا ەلىمىزدە 12 ستاديون قۇرىلىسى جوسپارلانۋدا. وسىلايشا، بارلىق ستاديونداردى ۋەفانىڭ حالىقارالىق تالاپتارىنا سايكەستەندىرۋ بويىنشا جۇمىستار كەزەڭ-كەزەڭمەن جۇرگىزىلەتىن بولادى، - دەدى ۇكىمەت باسشىسى جاۋابىندا.

سونىمەن قاتار پرەمەر-مينيستر قازاقستان فۋتبول فەدەراتسياسى ۋەفا ماماندارىمەن بىرگە 2034-جىلعا دەيىنگى قازاقستاندىق فۋتبولدى دامىتۋ ستراتەگياسىن بەكىتكەنىن اتاپ وتەدى.

- ستراتەگيادا جالپى قازاقستاندا كاسىپقوي جانە اۋەسقوي فۋتبولدى كەشەندى دامىتۋدىڭ، فۋتبولشىلاردى دايارلاۋ جۇيەسىن قۇرۋدىڭ ەرەكشەلىكتەرى، فۋتبول بيزنەسى يندۋسترياسىن قۇرۋ، حالىقارالىق ارەناداعى سپورتتىق ناتيجەلەردى جاقسارتۋ باعىتىندا كاسىپقوي فۋتبولدى ترانسفورماتسيالاۋ قاراستىرىلعان، - دەدى ولجاس بەكتەنوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى