قازاقستاندا دەكلاراتسيانى ۋاقىتىلى تاپسىرماعانداردىڭ ەسەپشوتى بۇعاتتالدى

دەكلاراتسيا تاپسىرۋ مەرزىمى 2024-جىلعى 1-قاڭتاردان 16-قىركۇيەككە دەيىن بەلگىلەندى، بۇل 8,5 اي بولادى.

«جالپىعا بىردەي دەكلاراتسيالاۋ بويىنشا دەكلاراتسيا تاپسىرۋعا مىندەتتى 4,8 ميلليون ادامنىڭ ىشىنەن دەكلاراتسيانى ۇسىنباعانى ءۇشىن مەملەكەتتىك كىرىس ورگاندارى 68,3 مىڭ نەمەسە 1,4 پايىز دارا كاسىپكەر مەن جەكە پراكتيكامەن اينالىساتىن تۇلعالاردىڭ بانكتىك شوتتارى بويىنشا شىعىس وپەراتسيالارىن توقتاتتى»، - دەلىنگەن حابارلامادا.

بۇگىندە اۋىتقۋشىلىقتاردى جويعان 17,5 مىڭنان اسا سالىق تولەۋشىنىڭ نەمەسە وكىمدەردىڭ جالپى سانىنىڭ 26 پايىز بويىنشا - بانكتىك شوتتارى بويىنشا بۇعاتتاۋ شەشىلگەنى ايتىلدى.

دەكلاراتسيانى ۋاقىتىلى تاپسىرا الماعان ازاماتتار ءۇشىن ءبىرىنشى رەت ەسكەرتۋ تۇرىندە اكىمشىلىك جاۋاپكەرشىلىك قاراستىرىلعان. زاڭبۇزۋشىلىقتار جويىلعاننان كەيىن بانكتىك شوتتار بويىنشا شىعىس وپەراتسيالارى ءبىر جۇمىس كۇنىنەن كەشىكتىرىلمەي بۇعاتتان شەشىلەدى.

«اقپاراتتىق قولداۋعا قاراماستان، كەيبىر سالىق تولەۋشىلەر بەلگىلەنگەن مەرزىمدە دەكلاراتسيا تاپسىرعان جوق. مۇنداي جاعدايلاردا سالىق ورگاندارى زاڭبۇزۋشىلىقتاردى جويۋ ءۇشىن قوسىمشا 30 جۇمىس كۇنىن بەرە وتىرىپ، سالىق زاڭناماسىندا بەلگىلەنگەن مەرزىمدە جەكە تۇلعالارعا سالىق ەسەپتىلىگىن ۇسىنباۋ تۋرالى حابارلاما جىبەرەدى. وسىلايشا، ازاماتتارعا دەكلاراتسيا تاپسىرۋ ءۇشىن 10 اي ۋاقىت بەرىلدى».

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى