قازاقستاندا ءبىر سالاداعى مامانداردىڭ جالاقىسىن كوتەرۋ ۇسىنىلدى

دەپۋتات ب ۇ ۇ بولجامدارىنا سۇيەنىپ، 2040-جىلعا قاراي ەلدەگى سۋ تاپشىلىعى 50 پايىزعا جەتۋى مۇمكىن ەكەنىن مالىمدەدى. بۇل جاعدايدى گيدروتەحنيكالىق قۇرىلىستاردىڭ توزۋى، اۋىل شارۋاشىلىعى سالاسىندا سۋدىڭ 40 پايىزى جوعالۋى، سونداي-اق، بىلىكتى ماماندار جەتىسپەۋشىلىگى ودان سايىن قيىنداتادى.

«سۋ سالاسىندا جۇمىس ىستەيتىن مامانداردىڭ 70 پايىزى بۇل سالادا ءبىلىم الماعان، ال كوبى جوعارى ءبىلىمسىز جۇمىس ىستەپ جاتىر. جىل سايىن بۇل سالادا 300 ادام ءبىلىم الادى، ءبىراق ولاردىڭ تەك 20 پايىزى ماماندىق بويىنشا جۇمىس تابادى»، - دەدى ارۋبايەۆ.

ونىڭ ايتۋىنشا، سۋ رەسۋرستارى جانە يرريگاتسيا مينيسترلىگى قۇرىلعانىنا جانە قازاق ۇلتتىق سۋ شارۋاشىلىعى جانە يرريگاتسيا ۋنيۆەرسيتەتى اشىلعانىنا قاراماستان، جوعارى وقۋ ورنى كۇردەلى پروبلەمالارعا تاپ بولىپ وتىر. توزىعى جەتكەن ينفراقۇرىلىم، زەرتحانالىق جابدىقتار جەتىسپەۋشىلىگى، ستۋدەنتتەر مەن وقىتۋشىلاردىڭ جەتكىلىكسىزدىگى كادرلاردى دايارلاۋدا ماسەلە تۋىنداتىپ وتىر.

«مەملەكەتتىك تاپسىرىستار مەن گرانتتار سانىن كوبەيتۋ، مامانداردىڭ جالاقىسىن ءوسىرۋ، شەتەلدىك جوعارى وقۋ ورىندارىمەن اكادەميالىق الماسۋدى جانداندىرۋ، سونداي-اق، ۋنيۆەرسيتەتكە سۋ قۇرىلىستارىن جوبالاۋ مەن ساراپتاما جۇرگىزۋگە قابىلەتتى مەكەمە مارتەبەسىن بەرۋ قاجەت»، - دەپ تۇيىندەدى دەپۋتات.

ەسكە سالايىق، بۇعان دەيىن قازاقستاندا ەڭ جوعارى جالاقى تولەنەتىن سالالار اتالدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى