قازاقستاندا ءبىر ءوزى 116 كرەديت العان ادام بار
ەلىمىزدە ءار ازامات ورتا ەسەپپەن 2 نەسيەدەن الادى. بۇل تۋرالى قارجى نارىعىن رەتتەۋ جانە دامىتۋ اگەنتتىگىنىڭ دەرەگىندە ايتىلعان.
ءبىر قىزىعى، 2023-جىلدىڭ ىشىندە ءبىر عانا ەر ادامنىڭ العان قارىزدارىنىڭ سانى 69 عا بارعان. ياعني، ءار اي سايىن شامامەن 5-6 نەسيەدەن الىپ وتىرعان.
ال الدىڭعى 2022-جىلى ءبىر ازامات 79 نەسيە راسىمدەگەن.
ەلىمىزدە كرەديت الۋدان رەكوردسمەن اتانعان ايەل بار. اتى-ءجونى اتالمايتىن ول 116 كرەديت ارقالاپ ۇلگەرگەن.
ەرلەر دە، ايەلدەر دە كوپ جاعدايدا 1 بانكتەن عانا كرەديت الۋدى ءجون كورەدى. قازاقستاندا قارىز الۋشى 8,9 ميلليون ادامنىڭ 64 پايىزى تەك ءبىر بانكتىڭ الدىندا قارىز.
ەكى بانكتە كرەديتى بارلار ۇلەسى - %26. 3 بانككە بەرەشەك بولىپ قالعاندار ۇلەسى - %8.
بۇعان دەيىن اگەنتتىك ءتىلشىسى قازاقستانداعى نەسيە الۋشى ازاماتتاردىڭ جاي-كۇيىنە شولۋ جاساعان بولاتىن.
