قازاقستاندا عالىمدارعا اكادەميالىق دەمالىس بەرىلەدى
ەندى وتاندىق عالىمدار عىلىممەن اينالىسۋ ءۇشىن دەمالىس الا الادى، دەپ حابارلايدى Kazinform.
«عىلىممەن اينالىسۋ ءۇشىن دەمالىس بەرۋ الەمدە بار تاجىريبە. كوپ ەلدەردە عىلىم سالاسىندا 10 جىلدان استام جۇمىس ىستەگەن، دارەجەسى بار عالىمدار وسىنداي مۇمكىندىك بەرىلەدى. وسى ورايدا بىزگە ارىپتەستەرىمىزدى قولداۋ ماڭىزدى. عالىمنىڭ ساباق بەرگەنى جاقسى ارينە، ءبىراق وقۋشىلىق پەن عىلىمدى بىرگە الىپ ءجۇرۋ وتە قيىن. عالىمنىڭ جۇمىس ورنى ساقتالىپ قالادى، دەمالىستى 1 جىلعا دەيىن الۋعا بولادى»، - دەدى ق ر پارلامەنتى ءماجىلىسىنىڭ دەپۋتاتى اسحات ايماعامبەتوۆ ب ا ق وكىلدەرىنىڭ ساۋالىنا جاۋاپ بەرە تۇرىپ.
حالىق قالاۋلىسىنىڭ ايتۋىنشا، عالىمدار تەك وقىتۋشىلىقپەن اينالىسسا عىلىمنان الشاقتاپ قالادى.
«سەبەبى وقىتۋشىنىڭ عىلىممەن اينالىسۋعا ۋاقىتى جوق، جۇكتەمەسى جوعارى. سوندىقتان عالىمدارعا اكادەميالىق دەمالىس بەرۋدى ەنگىزۋدى ۇسىنىپ وتىرمىز. بۇل مۇمكىندىك بارلىق عالىمعا بىردەي بەرىلمەيدى. سونداي-اق، دەمالىستاعى عالىمعا بەلگىلى ءبىر كولەمدە اقى تولەۋ جاعىن دا قاراستىرىپ وتىرمىز»، - دەيدى ول.
ايتا كەتەيىك، بۇگىن ادىلەت مينيسترلىگىندە بىرنەشە زاڭ جوباسى بويىنشا ۇكىمەت قورىتىندىسى قارالدى. اتالعان شاراعا ادىلەت ءمينيسترى ازامات ەسقارايەۆ جانە ءماجىلىس دەپۋتاتتارى قاتىستى.
