قازاقستاندا بىرنەشە جاڭا جول بەلگىسى بەكىتىلدى
استانا. KAZINFORM – قازاقستاندا 1-مامىردان باستاپ ق ر س ت 1412-2017 «جول قوزعالىسىن رەتتەۋدىڭ تەحنيكالىق قۇرالدارى» ۇلتتىق ستاندارتىنا وزگەرىستەر مەن تولىقتىرۋلارى قولدانىسقا ەنەدى.
«ق ر ءى ءى م اكىمشىلىك پوليتسيا كوميتەتى مەن ق ر س ي م ت ر م ك قازاقستان ستاندارتتاۋ جانە مەترولوگيا ينستيتۋتى ازىرلەگەن وسى وزگەرىستەر جولدارداعى قاۋىپسىزدىكتى ارتتىرۋعا جانە جول قوزعالىسىنىڭ بارلىق قاتىسۋشىلارىنا قولايلىلىقتى قامتاماسىز ەتۋگە باعىتتالعان»، - دەلىنگەن حابارلامادا.
اتالمىش وزگەرىستىڭ نەگىزگى جاڭالىعى:
1. مىندەتتى ايىرىم بەلگىسى: گيبريدتى قوسپاعاندا، بارلىق ەلەكتروموبيلدەر قولدانۋعا ءتيىس «ەلەكتروموبيل» بەلگىسى.
2. جاڭا جول بەلگىلەرىن ەنگىزۋ:
- جاياۋ جۇرگىنشىلەردىڭ قاۋىپسىزدىگىن قامتاماسىز ەتۋ جانە مۇمكىن بولاتىن اۆاريالىق جاعدايلاردىڭ الدىن الۋ ءۇشىن تروتۋارلارعا ورناتۋ جوسپارلانعان «ەلەكتر ساموكاتتاردا جۇرۋگە تىيىم سالىنادى»؛
- «دياگونالدى جاياۋ جۇرگىنشىلەر وتكەلى»؛
- «قاراما-قارسى ءجۇرىس بولىگىنە قايتا اۋىسۋ»؛
- «قاراما-قارسى ءجۇرىس بولىگىنىڭ سوڭى».
مۇگەدەكتىگى بار جانە تىرەك-قيمىل اپپاراتى بۇزىلعان ادامدار ءۇشىن، سونداي-اق وسىنداي ادامداردى تاسىمالدايتىندار ءۇشىن جول ينفراقۇرىلىمىنىڭ قولجەتىمدىلىگى كوزدەلگەنىن ەرەكشە اتاپ وتكىم كەلەدى.
وسى بەلگىلەردىڭ كەيبىرى الماتى جانە استانا قالالارىندا تەستىلىك رەجيمدە ەنگىزىلگەن جانە ءوز تيىمدىلىگىن كورسەتتى.
