قازاقستاندا بوران مەن كوكتايعاق بولادى

«قازگيدرومەت» ر م ق اقپاراتى بويىنشا، 24-قاراشادا استانادا تۇندە قار، كۇندىز قار ارالاس جاڭبىر جاۋادى. كوكتايعاق بولىپ، داۋىل سوعۋى مۇمكىن. تۇندە جانە تاڭەرتەڭ تۇمان تۇسەدى. وڭتۇستىك- باتىستان سوققان جەلدىڭ جىلدامدىعى 23-28 م/س جەتەدى.

اقمولا وبلىسىندا تۇندە قار، كۇندىز قار ارالاس جاڭبىر، وبلىستىڭ سولتۇستىك- باتىسىندا قار ارالاس جاڭبىر جاۋۋى ىقتيمال. كوكتايعاق، بوران، تۇمان بولۋى مۇمكىن. وڭتۇستىك- باتىستان سوققان جەل سولتۇستىك باتىسقا اۋىسىپ، ەكپىنى 15-20، كەي جەرلەردە 23-28 م/س جەتەدى. وبلىستىڭ باتىسى مەن سولتۇستىگىندە سەكۋندىنا 30 مەترگە باراتىن، ءتىپتى ودان دا كۇشتى جەل تۇرۋى مۇمكىن.

اقتوبە وبلىسىنىڭ وڭتۇستىك- شىعىسىندا تۇندە قالىڭ قار جاۋادى، وبلىستىڭ وڭتۇستىگىندە كوكتايعاق، جاياۋ بۇرقاسىن بولادى. تۇندە وڭتۇستىكتە، كۇندىز سولتۇستىگى مەن باتىسىندا سولتۇستىك- باتىستان سوققان جەل وڭتۇستىك- باتىسقا اۋىسىپ، ەكپىنى 15-20 م/س جەتەدى.

اتىراۋ وبلىسىنىڭ سولتۇستىگى مەن شىعىسىندا كۇندىز كوكتايعاق بولادى. سولتۇستىك باتىستان سوققان جەل وڭتۇستىك- باتىسقا اۋىسىپ، جىلدامدىعى سەكۋندىنا 15-20 مەترگە جەتەدى.

شىعىس قازاقستان وبلىسىنىڭ سولتۇستىگى، شىعىسى مەن وڭتۇستىگىندە وڭتۇستىكتەن، وڭتۇستىك- باتىستان جەل تۇرادى. ەكپىنى - 23 م/س.

جەتىسۋ وبلىسىنىڭ تاۋلى ايماقتارىندا تۇندە جانە تاڭەرتەڭ تۇمان تۇسەدى. , كۇندىز الاكول كولى اۋماعىندا وڭتۇستىك- شىعىستان سوققان جەل جىلدامدىعى 15-20، كەي جەرلەردە 23-28 م/س بولادى.

باتىس قازاقستان وبلىسىنىڭ باتىسى، سولتۇستىگى مەن شىعىسىندا كۇندىز كوكتايعاق بولادى. وبلىستىڭ باتىسىندا تۇمان تۇسەدى. سولتۇستىك- باتىستان سوققان جەل وڭتۇستىك- باتىسقا اۋىسىپ، كۇندىز وبلىستىڭ باتىسى، سولتۇستىگى مەن شىعىسىندا ەكپىنى 15-20 م/س جەتەدى.

قاراعاندى وبلىسىنىڭ باتىسى مەن سولتۇستىگىندە بوران تۇرىپ، كوكتايعاق بولۋى ىقتيمال. تۇندە وبلىستىڭ سولتۇستىگىندە، كۇندىز وبلىستىڭ كوپ بولىگىندە وڭتۇستىك- باتىستان، وڭتۇستىكتەن 15-20 م/س جەل تۇرادى.

قوستاناي وبلىسىنىڭ وڭتۇستىگىندە جاۋىن- شاشىن تۇسەدى. وبلىستىڭ شىعىس، وڭتۇستىك جانە ورتالىق بولىگىندە كوكتايعاق بولادى، تۇمان تۇسەدى. سولتۇستىگى، شىعىسى مەن ورتالىعىندا بوران سوعادى. وبلىستىڭ وڭتۇستىگى، شىعىسىنا وڭتۇستىك- باتىستان، باتىستان جەل تۇرىپ، ەكپىنى 15-20,، كەي جەرلەردە 23-28 م/س دەيىن بارادى.

قىزىلوردا وبلىسىندا باتىستان جەل تۇرادى، تۇندە وبلىستىڭ كوپ بولىگىندە ەكپىنى 15-20، وبلىستىڭ سولتۇستىگىندە 25 م/س، كۇندىز سولتۇستىگى مەن ورتالىعىندا 15-20 م/س بولادى.

ماڭعىستاۋ وبلىسىنىڭ سولتۇستىك- شىعىسىندا تۇندە قاتتى جاۋىن- شاشىن بولادى. وبلىستىڭ سولتۇستىگى مەن سولتۇستىك- شىعىسىندا تۇمان ءتۇسىپ، كوكتايعاق بولۋى مۇمكىن. سولتۇستىك- باتىستان سوققان جەل وڭتۇستىك- باتىسقا اۋىسىپ، تۇندە باتىس، سولتۇستىك- شىعىسىندا جىلدامدىعى 15-20 م/س جەتەدى.

پاۆلودار وبلىسىنىڭ سولتۇستىگى، وڭتۇستىگى مەن شىعىسىندا كوكتايعاق، وبلىستىڭ باتىسى مەن وڭتۇستىگىندە جاياۋ بۇرقاسىن بولادى. باتىسى مەن وڭتۇستىگىندە وڭتۇستىك- باتىستان 15-20 م/س جەل سوعىپ، ەكپىنى 25 م/س دەيىن بارادى.

سولتۇستىك قازاقستان وبلىسىنىڭ كوپ بولىگىندە جاۋىن شاشىن تۇسەدى. كۇندىز وبلىستىڭ وڭتۇستىك- شىعىسىندا قار جاۋادى، كوكتايعاق، بوران بولادى. وڭتۇستىك- باتىستان سوققان جەل سولتۇستىك- باتىسقا اۋىسىپ، 15-20 م/س، تۇندە كەي جەرلەردە 30 م/س، ءتىپتى ودان دا كۇشتى بولادى.

تۇركىستان وبلىسىنىڭ وڭتۇستىگىندە تۇندە جانە تاڭەرتەڭ تۇمان تۇسەدى.

ۇلىتاۋ وبلىسىنىڭ سولتۇستىگى، شىعىسىندا كوكتايعاق بولۋى ىقتيمال. وڭتۇستىك، وڭتۇستىك- باتىستان جەل سوعىپ، تۇندە وبلىستىڭ سولتۇستىگىندە، كۇندىز باسىم بولىگىندە جىلدامدىعى 15-20، كەي جەرلەردە 23-28 م/س جەتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى