قازاقستاندا بۇقتىرىلعان ەت جانە بالىق باعاسى قانشا تۇرادى

بۇقتىرىلعان ەت قازاقستانعا كوبىنە رەسەي، قىرعىزستان مەن وزبەكستاننان، ال بالىق رەسەي، بەلارۋس، قىتاي مەن لاتۆيادان اكەلىنەدى.

شپروتتار

وڭىرلەردە شپروت باعاسى ورتا ەسەپپەن العاندا 600 تەڭگە تۇرادى. بۇل سالماعى 160 گرامم بولاتىن شپروت. ال شىنى ىدىستاعى سالماعى 240 گرامم بولاتىن تاۋار باعاسى 1000 تەڭگەدەن باستالىپ 1800 تەڭگەگە دەيىن جەتەدى.

شپروتتىڭ ەڭ ارزانى قىزىلوردا قالاسىندا. مۇندا 160 گر شپروت باعاسى 550 تەڭگە تۇرادى. ال ەكىنشى ورىندا قوستاناي قالاسى تۇر. مۇندا باعا 580 تەڭگەدەن باستالادى.

ال اقتوبە، كوكشەتاۋ، قاراعاندى، جەزقازعان، وسكەمەن، سەمەي مەن شىمكەنتتە، پەتروپاۆل، پاۆلودار جانە تۇركىستاندا شپروت باعاسى شامامەن 600-700 تەڭگە تۇرادى.

اقتاۋ، اتىراۋ، تالدىقورعان، تاراز بەن ورالدا باعا ءسال قىمباتتاۋ. مۇندا شپروت 700-800 تەڭگەدەن ساتىلىپ جاتىر.

شپروتتىڭ ەڭ قىمباتى استانا مەن الماتىدا. مۇندا باعا 930-950 تەڭگە ارالىعىندا.

بۇقتىرىلعان سيىر ەتى

قازاقستاندا سالماعى 350 گر بولاتىن بۇقتىرىلعان سيىر ەتىنىڭ باعاسى شامامەن 1100 تەڭگە تۇرادى.

اقتوبە، كوكشەتاۋ، پەتروپاۆل مەن پاۆلوداردا باعا تومەن. بۇل ايماقتاردا بۇقتىرىلعان ەت 500-800 تەڭگە تۇرادى.

ال باعاسى 800 دەن باستالىپ، 1000 تەڭگەگە جەتەتىن بۇقتىرىلعان سيىر ەتىن قىزىلوردا، قوستاناي، قاراعاندى، جەزقازعان، تالدىقورعان، شىمكەنت، تاراز، تۇركىستان، الماتى مەن ورالدان ساتىپ الۋعا بولادى.

استانا، اقتاۋ، اتىراۋ، كوكشەتاۋ، قىزىلوردا، پەتروپاۆل مەن پاۆلوداردا بۇقتىرىلعان ەت 1000-2000 تەڭگە تۇرادى.

سەمەي مەن وسكەمەندە بۇقتىرىلعان ەت 2200 تەڭگەدەن ساتىلىپ جاتىر.

ايتا كەتەيىك، بۇعان دەيىن قازاقستان قالالارىندا قوي باعاسى قانشا تۇراتىنىن انىقتاپ بىلدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى