قازاقستاندا گازبەن جۇرەتىن كولىكتەرگە ارنايى بەلگى جاپسىرۋ مىندەتتەلەدى

ساۋدا جانە ينتەگراتسيا مينيسترلىگى تەحنيكالىق رەتتەۋ جانە مەترولوگيا كوميتەتى ءتوراعاسىنىڭ 2023-جىلعى 24- قاراشاداعى 466№ بۇيرىعىمەن قازستاندارت ازىرلەگەن ق ر س ت 1412-2017 «جول قوزعالىسىن رەتتەۋدىڭ تەحنيكالىق قۇرالدارى. قولدانۋ قاعيدالارى» ۇلتتىق ستاندارتىنا تولىقتىرۋلار جاسالدى. وزگەرىستەر 2024-جىلدىڭ 1- قاڭتارىنان قولدانىسقا ەنگىزىلەدى. وسى ستاندارت مىندەتتى ورىنداۋعا جاتادى. ويتكەنى ول قازاقستان رەسپۋبليكاسى ىشكى ىستەر ءمينيسترىنىڭ 2023-جىلعى 30- ماۋسىمداعى 534№ بۇيرىعىمەن بەكىتىلگەن جول قوزعالىسى قاعيدالارىندا كورسەتىلگەن.

«اۆتوكولىكتەرگە گاز قوندىرعىسىن ورناتۋدا كەيدە ءتيىستى قاۋىپسىزدىك تالاپتارى ورىندالماي جاتادى. مۇنداي كولىكتەر ادامدارعا قاۋىپتى بولۋى مۇمكىن. وسىعان بايلانىستى گاز ورناتىلعان اۆتوكولىكتەردىڭ جابىق تۇراقتارعا كىرۋىنە تىيىم سالىنعان. ءدال وسىنداي اۆتوموبيلدەردى انىقتاپ، سايكەستەندىرۋ جانە مۇنداي تىيىمداردى اكىمشىلەندىرۋ ءۇشىن ارنايى بەلگى ەنگىزىلدى»، - دەيدى تەحنيكالىق رەتتەۋ جانە مەترولوگيا كوميتەتىنىڭ ءتوراعاسى قۋانىش ەلىكبايەۆ.

اتالعان وزگەرىس گاز باللوندى جابدىعى بار اۆتوموبيلدەرگە ارنايى بەلگىنى مىندەتتى تۇردە ورنالاستىرۋدى قاراستىرىپ وتىر. بۇل تاڭبادا «GAS» دەگەن جازۋ مەن لەپ بەلگىسى بار سارى ءتۇستى تەڭبۇيىرلى ءۇشبۇرىش بەينەلەنگەن. بۇل بەلگى جابىق پاركينگتەرگە كىرگەن كەزدە كولىك وڭاي تانىلاتىنداي ەتىپ ورناتىلۋى ءتيىس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى