قازاقستاندا اۋىر اتلەتيكادان جاستار مەن جاس وسپىرىمدەر اراسىنداعى ازيا چەمپيوناتى وتەدى
استانا. قازاقپارات - 19-26-جەلتوقسان ارالىعىندا قاتاردىڭ استاناسى دوحادا اۋىر اتلەتيكادان جاستار مەن جاس وسپىرىمدەر اراسىنداعى ازيا چەمپيوناتى وتۋدە، دەپ حابارلايدى ق ر ۇلتتىق وليمپيادالىق سپورت كوميتەتى.
چەمپيونات اياسىندا قازاقستان اۋىر اتلەتيكا فەدەراتسياسىنىڭ پرەزيدەنتى گادجي شاپيەۆيچ گادجيەۆ حالىقارالىق جانە ازيا فەدەراتسيالارىنىڭ باسشىلىعىمەن كەزدەسۋلەر وتكىزدى. كەزدەسۋ بارىسىندا اۋىر اتلەتيكانى دامىتۋ جانە ىنتىماقتاستىقتى نىعايتۋ ماسەلەلەرى تالقىلاندى.
ناتيجەسىندە 2025-جىلى جاستار مەن جاس وسپىرىمدەر اراسىنداعى ازيا چەمپيوناتىن قازاقستاندا وتكىزۋ تۋرالى شەشىم قابىلداندى.
وسىعان دەيىن اۋىر اتلەتيكادان الەم چەمپيوناتىندا قازاقستان مەدالدار سانى جونىنەن ۇزدىك ۇشتىككە ىلىنگەنىن حابارلادىق.
