قازاقستاندا اۆتوكولىكتى قايتا جابدىقتاۋ ءراسىمى قاتاڭداتىلدى

بۇل ستاندارت - اۆتوموبيلدەر كونسترۋكتسياسىنا وزگەرىس ەنگىزۋدىڭ تەحنيكالىق اسپەكتىلەرىن رەتتەيتىن ەلدەگى جالعىز قۇجات.

جاڭا وزگەرىستەر اراسىندا:

• 2024-جىلى 1-مامىردان باستاپ، اككرەديتتەلگەن سىناق زەرتحانالارى بەرەتىن قاۋىپسىزدىكتى تەكسەرۋ حاتتاماسىنىڭ ءبىرىڭعاي فورماسى ەنگىزىلەدى، وندا كولىك قۇرالىن جانە ونىڭ نەگىزگى قاۋىپسىزدىك ەلەمەنتتەرىن قايتا جابدىقتاۋ ءتاسىلىن سايكەستەندىرۋگە قاجەتتى نەگىزگى ورىندار مىندەتتى تۇردە تولىقتىرىلادى.

• سونداي-اق، 2024-جىلى 1-مامىردان باستاپ، اككرەديتتەلگەن سىناق زەرتحانالارى قايتا جابدىقتالعان كولىك قۇرالدارىنىڭ قاۋىپسىزدىگىن تەكسەرۋ پروتسەسىن فوتو - جانە بەينەتىركەۋ مىندەتتى بولادى. بۇل قاۋىپسىزدىكتى تەكسەرۋدى راستاۋعا جانە وسى پروتسەدۋرانى نەمقۇرايلى جۇرگىزەتىن جوسىقسىز زەرتحانالاردى انىقتاۋعا مۇمكىندىك بەرەدى.

• 2024-جىلعى 1-جەلتوقساننان باستاپ، قاۋىپسىزدىكتى تەكسەرۋ حاتتامالارىن بەرۋ ەلەكتروندى فورماتتا جۇزەگە اسىرىلادى - ءبىرىڭعاي رەەستردىڭ تەحنيكالىق رەتتەۋ اقپاراتتىق جۇيەسىندە جاريالانادى.

«وسى ۋاقىتقا دەيىن مۇنداي تەكسەرۋلەر ءۇشىن قاۋىپسىزدىك حاتتاماسىنىڭ ناقتى فورماسى، بەرىلگەن حاتتامالاردىڭ ءبىرىڭعاي رەەسترى بولعان جوق. قانداي دا ءبىر پروبلەمالار تۋىنداعان جاعدايدا تەكسەرۋ جۇرگىزگەن زەرتحانانى انىقتاۋ قيىنعا سوعاتىن، بۇل جاۋاپكەرشىلىكتىڭ جوعالۋىنا اكەلەدى. بۇل وزگەرىستەر اۆتوموبيلدەردى قايتا جابدىقتاۋ كەزىندەگى راسىمدەر مەن قاۋىپسىزدىكتىڭ اشىقتىعىن ارتتىرۋعا ىقپال ەتەتىنىنە سەنىمدىمىن»، - دەپ اتاپ ءوتتى كوميتەت ءتوراعاسى قۋانىش ەلىكبايەۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى