قازاقستاندا ۆاكسيناتسيانىڭ ارقاسىندا قىزىلشانىڭ بەتى قايتتى – د س م

قاڭتاردىڭ سوڭعى ءۇش اپتاسىندا اۋرۋدىڭ تومەندەگەنى بايقالادى.

سونىمەن، قاڭتار ايىندا سىرقاتتانۋ وتكەن جىلعى جەلتوقساننىڭ ۇقساس كەزەڭىمەن سالىستىرعاندا ەل بويىنشا 8 پايىزعا تومەندەدى.

قوسىمشا جاپپاي يممۋنداۋ شەڭبەرىندە 6-10 ايلىق بالالاردىڭ 70 پايىزدان استامى، سونداي-اق 2-4 جاس ارالىعىنداعى بالالار ەگىلدى، ياعني ميلليوننان استام حالىق ۆاكسيناتسيالاندى.

1 جاستاعى بالالاردى قىزىلشاعا قارسى جوسپارلى ۆاكسيناتسيالاۋمەن قامتۋ 100,7 پايىزعا دەيىن، ال 6 جاستاعى بالالاردى د د ۇ ۇسىنعان 95,5 پايىزدان كەم ەمەس دەڭگەي كەزىندە 99,6 پايىزعا جەتتى.

27 مىڭنان استام بۇرىن ەگىلمەگەن بايلانىستا بولعان ادامداردىڭ وشاقتارىندا شۇعىل ۆاكسيناتسيا جۇرگىزىلدى.

بۇرىن ۆاكسيناتسيالاۋدى وتكىزىپ العان 18 جاسقا دەيىنگى 178 مىڭنان استام بالا ەگىلدى.

جالپى، حالىقتى جوسپارلى ۆاكتسينامەن، قوسىمشا جاپپاي يممۋنداۋمەن، رەپرودۋكتيۆتى R سانىمەن، سونداي-اق تىركەلگەن جاعدايلاردىڭ سانىمەن قامتۋ كورسەتكىشتەرى بويىنشا ەلدەگى قىزىلشا بويىنشا جاعدايدىڭ تۇراقتانعانىن اتاپ وتۋگە بولادى.

بۇگىنگى تاڭدا قىزىلشامەن اۋىراتىن بالالاردى اۋرۋحاناعا جاتقىزۋدىڭ وڭ ءۇردىسى بايقالادى.

2023-جىلعى جەلتوقسانمەن سالىستىرعاندا ەمدەۋ دەڭگەيى 25 پايىزعا تومەندەگەن.

توسەك قورىنىڭ ورتاشا قامتىلۋى - ەل بويىنشا 52 پايىز.

استانا قالاسىندا، اقمولا، پاۆلودار جانە جامبىل وبلىستارىندا توسەك-ورىنمەن قامتۋ جوعارى دەڭگەيدە ساقتالىپ وتىر.

مينيسترلىك جاعدايى اۋىر بۇكىل بالالارعا مونيتورينگ جۇرگىزەدى، قاجەت بولعان جاعدايدا رەسپۋبليكالىق دەڭگەيدەگى ءتۇرلى بەيىندەگى مامانداردى تارتا وتىرىپ، تەلەمەديتسينالىق كونسۋلتاتسيا وتكىزەدى.

«اتا-انالاردى بالاسىنا قىزىلشاعا قارسى ەكپە سالدىرۋعا شاقىرامىز. ۆاكسيناتسيا بولماعان جاعدايدا، تىركەلگەن جەرى بويىنشا مەديتسينالىق ۇيىمدا ەكپە الۋۋدى ۇسىنامىز. ەگەر اۋرۋ بەلگىلەرى پايدا بولسا، اسقىنۋ بولماس ءۇشىن جانە باسقالارعا جۇقتىرماس ءۇشىن ۋاقتىلى مەديتسينالىق كومەككە جۇگىنۋ قاجەت. ەگۋ جانە اۋرۋدىڭ الدىن الۋ نەمەسە اۋرۋدىڭ اعىمىن جەڭىلدەتۋ قىزىلشانىڭ اۋىر تۇرىمەن اۋىرعاننان گورى جەڭىلىرەك» دەپ ەسكەرتەدى دەنساۋلىق ساقتاۋ مينيسترلىگىنەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى