قازاقستاندا ادام بۇيرەگىن ساتپاق بولعان قىلمىستىق توپ ۇستالدى

«جىل باسىنان بەرى پوليتسيا ورگاندارى وسى ساناتتاعى 124 قىلمىستى تىركەدى. ادام ساۋداسىنا قاتىستى - 27 فاكتى، ونىڭ ىشىندە كامەلەت جاسىنا تولماعانداردى ساتۋ - 22. جەزوكشەلىككە تارتۋ - 10 فاكتى، ونىڭ ىشىندە كامەلەت جاسىنا تولماعانداردى تارتۋ - 5. ادام اعزاسىن ساتۋ - 4 فاكتى، قاناۋ ماقساتىمەن باس بوستاندىعىنان ايىرۋ - 4. پريتوندار ۇيىمداستىرۋ، جەڭگەتايلىق - 79 فاكتى»، - دەدى ول ۆەدومستۆونىڭ اپتا سايىن وتەتىن بريفينگىسىندە.

مينيسترلىكتىڭ رەداكسياعا جولداعان قوسىمشا مالىمەتىندە اعزا ساتۋمەن تۇتاس ءبىر قىلمىستىق توپ اينالىسقانى ايتىلعان.

« ءى ءى م ادام اعزالارىن الىپ، ساتۋ سحەماسىن ۇيىمداستىرعان توپتىڭ قىلمىستىق ارەكەتىنىڭ جولىن كەستى. پوليتسياعا 23 ادام جەتكىزىلدى، ولاردىڭ ۇشەۋى قاماۋعا الىندى. جەدەل- پروفيلاكتيكالىق شارا كەزىندە قوسىمشا ەپيزود انىقتالدى. بارلىعى قازاقستاندىقتار. كۇدىكتىلەر الماتى، الماتى وبلىسى، جامبىل وبلىسى، تۇركىستان وبلىسى اۋماعىندا ۇستالدىن. ولار ادام بۇيرەگىن ساتپاق بولعان»، - دەلىنگەن مالىمەتتە.

مينيسترلىك وكىلى «ستوپ ترافيك» جەدەل- الدىن الۋ شاراسى ادام ساۋداسىنا قاتىستى تىڭ دەرەكتەر انىقتاعانىن اتاپ ءوتتى.

«جۋىقتا عانا «ستوپ ترافيك» رەسپۋبليكالىق جەدەل-الدىن الۋ شاراسى ءوتتى. سونىڭ بارىسىندا 39 قىلمىس اشكەرە بولدى. ونىڭ ىشىندە بىرەۋى ادام اعزاسىن ساتۋمەن بايلانىستى. ەڭبەكتى قاناۋ ماقساتىمەن ادامدى زاڭسىز باس بوستاندىعىنان ايىرۋدىڭ 3 فاكتىسى انىقتالدى. ادام ساۋداسىنىڭ 7 جاعدايى تىركەلدى. ونىڭ ىشىندە بەسەۋى كامەلەت جاسىنا تولماعانداردى ساتقان. جەزوكشەلىككە يتەرمەلەۋدىڭ 4 فاكتىسى اشكەرە بولدى. ونىڭ ىشىندە ۇشەۋى كامەلەت جاسىنا تولماعان. سونداي- اق پريتون ۇيىمداستىرىپ، جەڭگەتايلىقپەن اينالىسۋدىڭ 24 دەرەگى انىقتالدى.

جەزوكشەلىك پەن جەڭگەتايلىق ۇيىمداستىرىلاتىنىن بىلە وتىرىپ عيماراتتى جالعا ۇسىنعانى ءۇشىن 51 اكىمشىلىك قۇقىق بۇزۋ فاكتىسى تىركەلدى. سونىمەن بىرگە قوعامدىق ورىندا مازانى الۋدىڭ 708 وقيعاسى انىقتالدى»، - دەدى قانات نۇرماعامبەتوۆ.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى