قازاقستاندا اعزانى دەنەدەن بولەك ساقتايتىن قۇرىلعى جاسالىپ جاتىر
استانا. قازاقپارات - قازاقستاندا اعزانى ادام دەنەسىنەن بولەك ساقتاپ، كەيىن ترانسپلانتاتسيالاۋ ءۇشىن يننوۆاتسيالىق قۇرىلعى ازىرلەنىپ جاتىر، - دەپ حابارلايدى ماسساگەت.
قازاقستاندىق كارديوحيرۋرگتەر اعزانى ادام دەنەسىنەن بولەك الىپ، ساقتاۋ ءۇشىن بىرەگەي قۇرىلعى جاساپ جاتىر. جوبا اياسىندا ماماندار سوعىپ تۇرعان جۇرەكتى، سونداي-اق «تىنىس الىپ تۇرعان» وكپەنى جانە جۇمىس ىستەپ تۇرعان باۋىردى ساقتاۋ ءۇشىن تەحنولوگيالار دايىنداپ جاتىر.
بولاشاقتا بۇيرەكتى دە سولاي ساقتاۋ جوسپارلانىپ وتىر. ورگاندى ومىرشەڭ كۇيدە كەم دەگەندە 24 ساعات ساقتاۋعا بولادى.
«جۇرەكتى ساقتاۋ ءۇشىن 29 ساعات ىشىندە قاۋىپسىز جانە ءتيىمدى جۇمىس ىستەۋگە بولاتىنىن دالەلدەدى، سودان كەيىن ءساتتى ترانسپلانتاتسيا جاسالدى. قازىر الەمدە ءبىر عانا بالاما بار. بۇل - امەريكالىق كومپانياسىنىڭ جۇيەسى»، - دەپ مالىمدەدى جوبا اۆتورلارى تيمۋر لەسبەكوۆ.
