قازاقستاندا اۋە سالاسىنا جاساندى ينتەللەكت ەنگىزىلمەك

- جولاۋشىلار تاسىمالىن دامىتۋ ماقساتىندا قولدانىستاعى اۋە كەمەلەرىنىڭ پاركىن ۇنەمى تولىقتىرىپ، جاڭارتىپ وتىرۋ قاجەت. اۋە كومپانيالارى قارىز الۋ جانە ليزينگ تەتىكتەرىن پايدالانادى. بۇل جۇمىسقا دامۋ ينستيتۋتتارىن، سونىڭ ىشىندە كۆازي مەملەكەتتىك دامۋ ينستيتۋتتارىن دا بەلسەندى تارتۋ كەرەك، - دەدى ولجاس بەكتەنوۆ ۇكىمەت وتىرىسىندا.

سونىمەن قاتار پرەمەر-مينيستر كولىك مينيسترلىگى، ۇلتتىق ەكونوميكا جانە قارجى مينيسترلىگىنە شاعىن اۋە كومپانيالارىن قولداۋ شارالارىن پىسىقتاۋدى تاپسىردى.

- ودان بولەك كولىك مينيسترلىگى سيفرلىق دامۋ، ينۆەستيتسيالار جانە اەروعارىش ونەركاسىبى مينيسترلىگىمەن بىرلەسىپ، سيفرلاندىرۋ جانە جاساندى ينتەللەكتىنى ەنگىزۋ ارقىلى سالاداعى بيزنەس-پروتسەستەردى اۆتوماتتاندىرۋ بويىنشا جۇمىستى كۇشەيتۋى قاجەت، - دەيدى ول.

بۇعان دەيىن ۇكىمەت باسشىسى ۇشاقتاردىڭ ءجيى كەشىگۋىن سىنادى.

سونداي-اق ولجاس بەكتەنوۆ اۋە تاسىمالىنا قاتىستى ارىز-شاعىمنىڭ كوپ ەكەنىن مالىمدەگەن ەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى