قازاقستاندا 85 جاستان اسقان ايەلدەر مەن ەرلەر اراسىندا قانشالىق الشاقتىق بار
بۇگىن قازاقستان حالقىنىڭ سانى رەسمي تۇردە 20 ميلليونعا جەتتى. وسىعان وراي ءبىرىنشى كرەديت بيۋروسى قىزىقتى دەموگرافيالىق دەرەكتەر ۇسىندى.
- جاس قىزداردىڭ ەڭ كوپ شوعىرلانعان جەرى استانادا. جىل باسىندا جاس قىزداردىڭ ۇلەسى حالىقتىڭ 16,8 پايىزىن قۇرادى.
- جالپى جاستاردىڭ ۇلەسى ءۇش نەگىزگى قالادا جوعارى. استانا، الماتى جانە شىمكەنت قالالارىنىڭ ءاربىر ءۇشىنشى تۇرعىنى - 14 پەن 35 جاس ارالىعىندا.
- قازاقستاندىقتار اراسىندا ەڭ سانى كوپ توپ — 16 مەن 62 جاس ارالىعىنداعى ەر ازاماتتار: 5,71 ميلليون ادام.
- ۇزاق ءومىر سۇرەتىن ەرلەرگە قاراعاندا ايەلدەردىڭ سانى الدەقايدا كوپ. جىل باسىندا 85 جاستان اسقان قازاقستاندىق ايەلدەردىڭ سانى 89,9 مىڭ بولسا، ولاردىڭ ەركەك قۇرداستارى 2,7 ەسە از بولدى.
- حالىق سانى 22 جىل قاتارىنان ءوسىپ كەلەدى، عاسىردىڭ باسىنان بەرى ورتاشا ءوسىم قارقىنى - جىلىنا %1,2.
- وتكەن جىلى ءار 100 بالاعا 65 جاستان اسقان 28,2 ادام كەلدى. بۇل كورسەتكىش ماڭعىستاۋ وبلىسىندا ەڭ تومەن (10,8)، شىعىس قازاقستان وبلىسىندا ەڭ جوعارى (56,9).
