قازاقستاندا 6-9 جاس ارالىعىنداعى بالالاردىڭ 21 پايىزى ارتىق سالماقپەن ءجۇر
استانا. KAZINFORM - استانادا ءوتىپ جاتقان «Capital Health» تۇڭعىش ۇلتتىق فورۋمىندا ق ر قوعامدىق تاماقتاندىرۋ بىرلەستىگىنىڭ ءتوراعاسى ۆەرونيكا نۇرپەيىسوۆا بالالاردىڭ دەنساۋلىعى ماسەلەسىنە توقتالدى.
ونىڭ ايتۋىنشا، ەلىمىزدە 6 مەن 9 جاس ارالىعىنداعى قازاقستاندىقتاردىڭ 21 پايىزى ارتىق سالماقتان زارداپ شەگەدى.
0 دەن 14 جاسقا دەيىنگى بالالاردا اس قورىتۋ جۇيەسىنىڭ اۋرۋلارى ەكىنشى ورىندا تۇر.
ماسەلەنى شەشۋ ءۇشىن د د س ۇ ساراپشىلارى بۇكىل مەملەكەتتەرگە بالالار اراسىنداعى سەمىزدىكپەن كۇرەسۋدى ۇسىنادى.
سونىڭ ىشىندە جەمىس-كوكونىستىڭ قولجەتىمدى بولۋىن قامتاماسىز ەتۋ جانە ۆيتامينيزاتسيالاۋعا باسا ءمان بەرىلۋى ماڭىزدى.
«قازىر ءبىز دەنساۋلىق ساقتاۋ مينيسترلىگىمەن بىرگە مەكتەپ جانە مەكتەپكە دەيىنگى تاماقتانۋ ستاندارتتارىن قايتا قاراۋ جانە تەحنولوگيالىق كارتا جاساۋ مۇمكىندىگىن زەرتتەپ جاتىرمىز. ءۇش ايماقتا مەكتەپ وقۋشىلارىنىڭ تاماقتانۋىن باعالاۋ جۇمىسى جۇرگىزىلىپ جاتىر»، - دەدى ۆ. نۇرپەيىسوۆا.
ەستەرىڭىزگە سالساق، بۇعان دەيىن بىلتىر اتىراۋ وبلىسىندا 140 بالاعا سەمىزدىك دياگنوزى قويىلعانىن جازعان ەدىك.
