قازاقستاندا 5 ەلدەن كەلگەن 325 بوسقىن تۇرادى
بۇگىنگى كۇندە قازاقستاندا 5 ەلدەن كەلگەن 325 بوسقىن تۇرادى، دەپ حابارلايدى Kazinform.
رەسپۋبليكا اۋماعىن پانالاعان بارلىق شەتەلدىكتەر قازاقستاننىڭ بوسقىندارعا قاتىستى حالىقارالىق قوعامداستىق الدىنداعى مىندەتتەمەلەرىنە سايكەس مەملەكەت تاراپىنان قورعاۋمەن جانە قولداۋمەن قامتاماسىز ەتىلگەن.
«1998 -جىلعى 15-جەلتوقساندا قازاقستان ب ۇ ۇ-نىڭ 1951 -جىلعى «بوسقىندار مارتەبەسى تۋرالى» كونۆەنسياسىنا (بۇدان ءارى - كونۆەنسيا) رەسمي تۇردە قوسىلىپ، وزىنە بەلگىلى ءبىر مىندەتتەمەلەر الدى.
قازىرگى ۋاقىتتا رەسپۋبليكادا اۋعانستان، ۋكراينا، وزبەكستان، سيريا جانە قىتايدان كەلگەن 325 بوسقىن تۇرادى. ولار ەلدەن شىعارىلماۋ بويىنشا قورعالعان»، - دەپ جازدى ق ر ەڭبەك جانە حالىقتى الەۋمەتتىك قورعاۋ مينيسترلىگىنەن.
بوسقىندارمەن جۇمىس جونىندەگى حالىقارالىق مىندەتتەمەلەردى ورىنداۋ اياسىندا ۆەدومستۆو جانىندا ۇلتتىق زاڭناما نورمالارىن كونۆەنسيا ەرەجەلەرىمەن يمپلەمەنتاتسيالاۋ جونىندەگى جۇمىس توبى جۇمىس ىستەيدى.
