قازاقستاندا 24- قاڭتاردا تەلەارنا مەن راديو ۋاقىتشا جۇمىس ىستەمەيدى
الماتى. KAZINFORM - قازاقستاندا 24-قاڭتار كۇنى تەلەراديو حابارىن تاراتۋ جەلىسىندە جوسپارلى-پروفيلاكتيكالىق جۇمىس جۇرگىزىلەدى. وسىعان بايلانىستى قازاقستاننىڭ بارلىق اۋماعىندا تەلەراديوارنالاردى رەترانسلياتسيالاۋ ۋاقىتشا توقتاتىلادى.
«قازتەلەراديو» ا ق ۇزدىكسىز جانە ساپالى تەلەراديو حابار تاراتۋدى قامتاماسىز ەتۋ ماقساتىندا توقسان سايىن جەرسەرىكتىك، سيفرلىق جانە انالوگتى ەفيرلىك جەلىلەردىڭ تەحنيكالىق قۇرالدارىندا سەرۆيستەردى جابا وتىرىپ، جوسپارلى پروفيلاكتيكالىق جۇمىس جۇرگىزەدى.
«وسى جىلدىڭ 24- قاڭتارىندا ساعات 03:00 مەن 17:00 ارالىعىندا (استانا قالاسىنىڭ ۋاقىتىمەن) تەلەراديو حابارلارىن تاراتۋدى وشىرە وتىرىپ، پروفيلاكتيكالىق جۇمىستار جۇرگىزىلەدى. ۋاقىتشا قولايسىزدىقتار ءۇشىن كەشىرىم وتىنەمىز»، - دەلىنگەن حابارلامادا.
