قازاقستاندا 229 مىڭ اۆتوكولىك زاڭداستىرىلدى
قازاقستاندا 2022 -جىلدىڭ 1- قىركۇيەگىنە دەيىن شەتەلدەن جەتكىزىلگەن 229 مىڭ اۆتوكولىك زاڭداستىرىلدى، دەپ حابارلايدى قازاقپارات ءتىلشىسى.
«مەملەكەت باسشىسىنىڭ تاپسىرماسىن ورىنداۋ ماقساتىندا شەتەلدىك اۆتوكولىكتەردى ءبىرجولعى زاڭداستىرۋ ىسكە اسىرىلدى. جالپى 229 مىڭ اۆتوكولىك زاڭداستىرىلدى. بۇل رەتتە ءوتىنىمدى ۋاقىتىلى بەرگەن جانە بەلگىلەنگەن مەرزىمدە اۆتوكولىكتى زاڭداستىرىپ ۇلگەرمەگەن قازاقستان ازاماتتارىنا زاڭداستىرۋ قۇقىعى بيىلعى 1 -شىلدەدەن كەيىن دە جالعاستى»، - دەلىنگەن ىشكى ىستەر مينيسترلىگىنىڭ «قازاقپارات» اگەنتتىگىنە بەرگەن جاۋابىندا.
اتاپ ايتقاندا، زاڭداستىرۋ بارىسىندا قوسىمشا كەلەسى ماسەلەلەر شەشىلدى:
1) قوسالقى بولشەكتەر تۇرىمەن اكەلىنگەن اۆتوكولىكتەردى ەسەپكە قويۋعا رۇقسات ەتىلدى (يەلىكتەن شىعارۋ جانە ەلدەن تىس جەرلەرگە اكەتۋ قۇقىعىنسىز - وسىنداي 18,7 مىڭ كولىك تىركەلگەن).
2) ە ا ە و ەلدەرىندە ەسەپتەن شىعارىلماعان اۆتوكولىكتەردى زاڭداستىرۋ ءۇشىن ولاردى 5 جىلعا ۋاقىتشا ەسەپكە قويۋ ارقىلى كەيىنگە قالدىرۋ قۇقىعى بەرىلدى (مۇنداي 34,9 مىڭ اۆتوكولىك ۋاقىتشا ەسەپكە قويىلدى).
3) ءۇشىنشى ەلدەردەن اكەلىنگەن جانە زاڭداستىرۋ اياسىندا كەدەندىك تازارتۋدان وتپەگەن اۆتوكولىكتەر ءۇشىن ەكولوگيالىق تالاپتارعا سايكەستىگىن راستاۋ مىندەتى الىنىپ تاستالدى.
ەسكە سالساق، 2022 -جىلدىڭ 1- قىركۇيەگىنەن كەيىن اكەلىنگەن كولىكتەر زاڭداستىرۋعا جاتپايدى.
