قازاقستاندا 2024-جىلى زەينەتاقى قانشاعا وسەدى؟

جاسىنا جانە ەڭبەك سىڭىرگەن جىلدارىنا بايلانىستى زەينەتاقى تولەمدەرى جىل سايىن رەسپۋبليكالىق بيۋجەت تۋرالى زاڭدا ءتيىستى قارجى جىلىنا بەلگىلەنگەن مولشەردە كوتەرىلەتنى ايتىلعان.

«الەۋمەتتىك-ەكونوميكالىق دامۋ بولجامىنا سايكەس، 2024-جىلعا ارنالعان ينفلياتسيا دەڭگەيى 6-8 پايىز دالىزدە كوزدەلەتىنىن ەسكەرە وتىرىپ، «2024-2026-جىلدارعا ارنالعان رەسپۋبليكالىق بيۋجەت تۋرالى» زاڭ جوباسىندا جاسىنا جانە ەڭبەك سىڭىرگەن جىلدارىنا بايلانىستى زەينەتاقى تولەمدەرىنە باعىتتالعان قاراجات ولاردىڭ مولشەرىنىڭ 2024-جىلعى 1- قاڭتاردان باستاپ 9 پايىزعا ءوسۋىن ەسكەرە وتىرىپ كوزدەلەدى»، - دەلىنگەن مينيسترلىك حابارلاماسىندا.

مەملەكەتتىك بازالىق زەينەتاقى تولەمىنىڭ مولشەرى 2024-جىلعى 1- قاڭتاردان باستاپ 7 پايىزعا وسەدى.

«بۇدان باسقا، 2024-جىلعى 1- قاڭتاردان باستاپ مەملەكەت باسشىسىنىڭ تاپسىرماسى بويىنشا بازالىق زەينەتاقىنىڭ ەڭ تومەنگى مولشەرى 60 پايىزدان 65 پايىزعا دەيىن، ال ەڭ جوعارى مولشەرى - رەسپۋبليكالىق بيۋجەت تۋرالى زاڭدا بەلگىلەنگەن ەڭ تومەنگى كۇنكورىس دەڭگەيىنىڭ 100 پايىزىنان 105 پايىزعا دەيىن ارتادى»، - دەپ تولىقتىردى ەڭبەك مينيسترلىگى.

سونداي-اق، مينيسترلىكتەن 2024-جىلى قازاقستانداعى زەينەتاقىنىڭ ەڭ جوعارى جانە ەڭ تومەنگى مولشەرىن اقشالاي تۇردە جاريالاۋ سۇرالدى.

جاۋاپتا بيۋجەت تۋرالى زاڭ جوباسىندا 2024-جىلى ەڭ تومەنگى زەينەتاقى 57853 تەڭگە، ال بازالىق زەينەتاقى تولەمىنىڭ ەڭ تومەنگى مولشەرى 28215 تەڭگە بولادى دەپ كوزدەلگەنى ايتىلعان.

2024-جىلى جاسىنا بايلانىستى زەينەتاقى تولەمدەرىنىڭ ەڭ جوعارى مولشەرى 152295 تەڭگەگە جەتەدى.

«بۇعان قوسىمشا مەملەكەتتىك بازالىق زەينەتاقى تولەمى ۇسىنىلادى، ونىڭ ەڭ جوعارعى مولشەرى 2024-جىلى ەڭ تومەنگى كۇنكورىس دەڭگەيىنىڭ 105 پايىزىن، ياعني 45578 تەڭگە بولادى. زەينەتاقى تولەمدەرىنىڭ جالپى سوماسى 197873 تەڭگە بولادى»، - دەپ ناقتىلادى مينيسترلىك.

Tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى