قازاقستانعا قاي ەلدەردىڭ ازاماتتارى ءجيى كەلەدى

«قازىر ەلىمىزگە وزبەكستاننىڭ 1 ميلليون 73 مىڭ ازاماتى كىرسە، 982 مىڭى كەتكەن. بۇل - جىل باسىنان بەرگى كورسەتكىش. بىلتىرعى كورسەتكىش بويىنشا دا ولار كوش باستادى: 5 ميلليون 396 مىڭ ازامات كەلىپ، 5 ميلليون 373 مىڭى كەتكەن. نەگىزىنەن، وزبەكستان ازاماتتارى ءبىزدىڭ ەل ارقىلى كورشى ەلدەرگە ءوتۋ ءۇشىن كىرەدى»، - دەدى ي. لەپەحا سەناتتاعى باسپا ءسوز ءماسليحاتىندا.

ءمينيستردىڭ ورىنباسارى تاجىكستان ازاماتتارىنا قاتىستى وسىنداي مالىمەتتەردى جاريالادى.

«تاجىكستان ازاماتتارىنا توقتالساق، جىل باسىنان بەرى 218 مىڭ 500 ازامات كەلىپ، 213 مىڭ 726 ادام كەتكەن. كوشى-قون زاڭناماسىن بۇزعانى ءۇشىن تاجىكستاننىڭ 710 ازاماتى جاۋاپقا تارتىلىپ، 195 ادام ەلدەن شىعارىلدى»، - دەدى يگور لەپەحا.

سونىمەن قاتار ول ەلىمىزدە قاي مەملەكەتتەردىڭ ازاماتتارى ءجيى كەلەتىنىن ناقتىلادى. ولاردىڭ قاتارىندا وزبەكستان، قىرعىزستان، رەسەي، تاجىكستان جانە قىتاي ازاماتتارى بار.

اۆتور

رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى