قازاقستانعا كيبەرشابۋىل كوبىنە قاي ەلدەردەن جاسالادى

بىلتىر ەلىمىزگە جاسالعان كيبەرشابۋىلداردىڭ دەنى ۋكراينا، ا ق ش، پولشا، رەسەي جانە قىتايدان تىركەلگەن. اتاپ ايتقاندا، ۋكراينانىڭ ينفراقۇرىلىمىن پايدالانۋ ارقىلى شابۋىل جاساۋ شىلدەدە بولعان جانە بارلىق شابۋىلدار (%95) Zyxcel جابدىقتارىن پايدالانۋ ارەكەتتەرىمەن بايلانىستى.

شەتەلدىك حاكەرلەر ينتەرنەتكە قول جەتكىزۋدىڭ ءبىرىڭعاي ءشليۋزى كليەنتتەرىن قورعاۋدا بار كۇشىن سالدى. ينتەرنەتكە قول جەتكىزۋدىڭ ءبىرىڭعاي ءشليۋزى - ينتەرنەتكە كىرگەن كەزدە تەلەكوممۋنيكاتسيالىق جەلىلەردى قورعاۋدى قامتاماسىز ەتەتىن اپپاراتتىق-باعدارلامالىق كەشەن.

ەلىمىزگە سىرتتان كيبەرشابۋىلدار جەرگىلىكتى اتقارۋشى (133,5 ميلليون ارەكەت) جانە مەملەكەتتىك ورگاندارعا (47,7 ميلليون)، سونىمەن قوسا كۆازيمەملەكەتتىك سەكتور (27 ميلليون)، بايلانىس وپەراتورى (19,9 ميلليون) جانە جەكە كومپانيالارعا (2,9 ميلليون) جاسالعان.

مەملەكەتتىك سەكتورعا باعىتتالعان شابۋىلداردىڭ ۇلەسى - %62. شابۋىلداردىڭ كوپشىلىگى قازاقستاننىڭ سولتۇستىك وڭىرلەرىندە، اتاپ ايتقاندا س ق و، اقمولا وبلىسى، قوستاناي وبلىسىندا تىركەلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى