قازاقستانعا كەلىپ الدانىپ قالاتىن شەتەلدىك تۋريستەر ماسەلەسى قالاي شەشىلەدى

- تۋريستەرگە ارنالعان QR كود جۇيەسى ەنگىزىلىپ جاتىر. كەيدە تۋريستەر كەلگەن بەتتە تاكسي، بايلانىس، ۆاليۋتا ايىرباستاۋ سياقتى قىزمەتتەردەن الدانىپ قالىپ جاتادى. ونىڭ الدىن الۋ ءۇشىن QR كود جۇيەسى جاسالدى. ونىڭ ىشىندە تاكسي، ەلەكتروندى SIM-كارتا، قوناق ءۇي برونداۋ، نەگىزگى اقپارات پەن تىركەلۋ قىزمەتتەرى جيناقتالدى، - دەدى ەربول مىرزابوسىنوۆ ۇكىمەت وتىرىسىندا.

ازىرگە QR كودتار ەلىمىزدىڭ 4 قالاسىندا، ياعني استانا، اقتاۋ، تۇركىستان جانە شىمكەنت قالاسىندا عانا ورنالاستىرىلعان.

- قازىر QR كودتى اۋەجايلاردا ورنالاستىرۋ ءۇشىن قوسىمشا قاراجات قاجەت بولىپ وتىر. وسىعان وراي تاجىريبەنى كەڭ تاراتۋ ءۇشىن ءتيىستى اكىمدىكتەر مەن كولىك مينيسترلىگىنىڭ قولداۋى قاجەت. QR كودتى بارلىق اۋەجايعا، ۆوكزالدار مەن شەكارا وتكەلدەرىنە ورنالاستىرۋ كەرەك، - دەيدى ول.

بۇعان دەيىن تۋريزم جانە سپورت ءمينيسترى ەلىمىزگە كەلگەن شەتەلدىك تۋريستەر ساناعىن جۇرگىزۋگە قاتىستى تۇسىنىك بەرگەن ەدى.

ايتا كەتسەك، بىلتىر ەلىمىزگە ءارتۇرلى ماقساتتا 15,3 ميلليون شەتەلدىك قوناق كەلگەن.

سونداي-اق ۇكىمەت وتىرىسىندا ەلىمىزدە قوناق ءۇي جۇيەسىنە رەفورما جۇرگىزىلەتىنى ايتىلدى.

ودان بولەك، ەلىمىزدە شارۋالارعا اگروتۋريزممەن اينالىسۋعا رۇقسات بەرىلمەك.

اۆتور

داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى