قازاقستانعا كەلگەن شەتەلدىك تۋريستەر سانى %37 عا ارتتى
بيىلعى قاڭتاردان قىركۇيەك ايىنا دەيىن ەلىمىزگە 834,9 مىڭ شەتەلدىك تۋريست ساياحاتتاعان. بۇل - بىلتىرعى كورسەتكىشكە قاراعاندا 225 مىڭ ادامعا نەمەسە %37 عا كوپ، دەپ حابارلايدى Kazinform تۋريزم جانە سپورت مينيسترلىگىنە سىلتەمە جاساپ.
بىلتىر بۇل ارالىقتا ەلىمىزگە 609,8 مىڭ شەتەلدىك كەلگەن ەدى.
«كەيىنگى جىلدارى شەتەلدىك تۋريستەردىڭ قازاقستانعا قىزىعۋشىلىعى ارتا باستاعانى بايقالادى. ماسەلەن، بيىل ەلىمىزگە 800 مىڭنان استام شەتەلدىك كەلگەن. جىل سوڭىنا دەيىن بۇل كورسەتكىش 1,4 ميلليونعا جەتۋى مۇمكىن دەگەن بولجام بار. بۇعان ەلىمىزدىڭ كورسەڭ كوزىڭ توياتىن تابيعي سۇلۋلىعى، مادەني باي مۇرامىز جانە قوناقجايلىعىمىز دالەل بولا الادى. ءبىز ەلىمىزدى تۋريستەر ءۇشىن ودان دا تارتىمدى ءارى قىزىقتى ەتۋ جانە بايتاق جەرىمىزگە تابانى تيگەن ءاربىر ساياحاتشىعا ۇمىتىلماس اسەر قالدىرۋ ءۇشىن تىرىسامىز»، - دەدى ق ر ت س م تۋريزم يندۋسترياسى كوميتەتى ءتوراعاسىنىڭ مىندەتىن اتقارۋشى نۇرتاس كارىپبايەۆ.
9 ايدىڭ قورىتىندىسى بويىنشا، 2023-جىلى ورنالاستىرۋ ورىندارى قىزمەت كورسەتكەن ىشكى تۋريستەر سانى 2022 -جىلدىڭ سايكەس كەزەڭىمەن سالىستىرعاندا 553 مىڭعا ارتىپ، 5,4 ميلليون ادامعا جەتتى.
بۇل كورسەتكىش پاندەمياعا دەيىنگى كەزەڭمەن سالىستىرعاندا 1,3 ميلليون ادامعا كوپ (2019 -جىلدىڭ 9 ايىندا 4,1 ميلليون ادام) .
