قازاقستانعا شەتەلدەن ءبىلىمدى ادامدار ءجيى قونىس اۋدارا باستادى

- سىرتقى كوشى-قوننىڭ وڭ سالدوسى 2 جىل بويى ساقتالدى. 2024-جىلدىڭ قورىتىندىسى بويىنشا كوشى-قون سالدوسى 17,2+ مىڭ ادامدى قۇرادى. ەلگە 30 مىڭ ادام كەلسە، 12,8 مىڭ ادام كەتتى. ەلدەر بولىنىسىندە كوشى-قون ءوسىمى نەگىزىنەن ت م د مەن قىتاي حالىق رەسپۋبليكاسىنا تيەسىلى. ۇلتتىق ستاتيستيكا بيۋروسىنىڭ ستاتيستيكالىق مالىمەتتەرىنە سايكەس ءبىلىم دەڭگەيى بويىنشا دا وڭ سالدو بايقالادى، ەلگە كوبىرەك ءبىلىمدى ادامدار كەلدى. بۇدان باسقا، تەحنيكالىق ماماندىق بويىنشا 1597 ادام، پەداگوگيكالىق ماماندىق بويىنشا 526 ادام، اۋىل شارۋاشىلىعىندا 151 ادام، مەديتسينالىق ماماندىقتار بويىنشا 295 ادام كەلدى، - دەدى ول ورتالىق كوممنيكاتسيالار قىزمەتىندەگى بريفينگتە.

ونىڭ دەرەگىنشە، ىشكى كوشى-قوندا دا ازاماتتاردىڭ قوزعالىس بەلسەندىلىگىنىڭ ءوسۋى بايقالادى.

- ەل شەگىندە قونىس اۋدارۋشىلار سانى وتكەن جىلدىڭ كەزەڭىمەن سالىستىرعاندا 1,5 ەسە. 2024-جىلى ىشكى كوشى-قوندا 1510 مىڭ ادام قاتىستى، ونىڭ 689,5 مىڭى - ءوڭىرارالىق قونىس اۋدارۋ. مەگاپوليستەر ىشكى كوشىپ- قونۋشىلاردى تارتۋ ورتالىقتارى بولىپ قالا بەرەدى. ماسەلەن، قارالىپ وتىرعان كەزەڭدە استانا قالاسىنا تۇراقتى تۇرۋعا - 151 مىڭ، الماتى قالاسىنا - 129 مىڭ، شىمكەنت قالاسىنا 68 مىڭ ادام كەلدى، - دەدى اسقاربەك ەرتايەۆ.

وسىعان دەيىن قازاقستاندا دەموگرافيا جانە كوشى-قون سالاسىن رەتتەيتىن مەملەكەتتىك ورگان قۇرۋ ۇسىنىلعانى تۋرالى جازدىق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى