قازاقستانعا بىرىككەن كۇرەس الەمى پرەزيدەنتى كەلدى
استانا. KAZINFORM - مارتەبەلى مەيماندى استانا حالىقارالىق اۋەجايىنان تۋريزم جانە سپورت ءمينيسترىنىڭ ورىنباسارى سەرىك جاراسبايەۆ قارسى الدى.
نەناد لالوۆيچ ەلىمىزگە ساپارى بارىسىندا ەلورداداعى Qazaqstan جەڭىل اتلەتيكا سپورت كەشەنىن، جاقسىلىق ۇشكەمپىروۆ اتىنداعى جەكپە-جەك سارايىن ارالاپ، استانادا سالىنىپ جاتقان ۇلتتىق سپورت ۋنيۆەرسيتەتىنىڭ قۇرىلىسىمەن تانىسادى دەپ جوسپارلانعان.
سونداي-اق قازاقستان ۇلتتىق وليمپيادا كوميتەتىنىڭ باسشىسىمەن كەزدەسەدى.
نەناد لالوۆيچتىڭ قازاقستانعا كەلۋى وتاندىق كۇرەس سپورتى ءۇشىن اسا ماڭىزدى وقيعا.
قازىرگى تاڭدا قازاقستاندىق پالۋاندار حالىقارالىق ارەنادا كوپتەگەن جەتىستىككە قول جەتكىزىپ، الەم چەمپيوناتى مەن وليمپيا ويىندارىندا جۇلدە الىپ ءجۇر.
بۇعان دەيىن ەلوردادا قازاق كۇرەسىنەن «دالا قىراندارى» تۋرنيرى جەڭىمپازدارى انىقتالعانىن جازعانبىز.
