قازاقستانعا 12 مىڭنان اسا جىلقى اكەلىندى
قازاقتىڭ ءتورت تۇلىگىنە الا توپىلى اعايىن قىزىعىپ وتىر، دەپ حابارلايدى 24KZ.
بىلتىر وزبەكستاندىقتار ءبىزدىڭ ەلدەن 14 مىڭ باس جىلقى، 75 مىڭ ءىرى قارا، 41 مىڭ ۇساق مال ساتىپ العان. ال شەتەلدەن قازاقستانعا كەلگەن مال سانى بۇدان 5 ەسە از.
بۇل نۇرجىگىت تابىلديەۆتىڭ باپتاۋىنداعى زىمىراننىڭ ەل چەمپيونى بولعان ءساتى. 1,5 جاسىندا فرانسيانىڭ دوۆيل قالاسىنان اكەلىنگەن تۇلپار وسىمەن ەكىنشى مارتە ىشكى بىرىنشىلىكتە توپ جاردى. ەلوردا تورىندە وتكەن كوشپەندىلەر ويىندارىندا كۇمىس جۇلدەنى مىسە تۇتقانى تاعى بار. بۇل نۇرجىگىتتىڭ شەتەلدەن كەلگەن العاشقى جۇيرىگى ەمەس. اتبەگى وسىعان دەيىن 100 گە تارتا تۇلپاردى قازاقستانعا جەتكىزگەن.
نۇرجىگىت تابىلديەۆ، اتبەگى:
- بىلتىرعى جىلى 16 باستاي العام. كەلگەنەن كەيىن 11 ءى ساتىلىپ كەتتى. قالعانى وزىمدە قالدى. ات الىپ كەلۋ وتە قيىن نەگىزى. ءوزىڭ بارىپ تاڭداپ، ءبىر اي كارانتينى بولادى، قۇجاتتارىن جاسايمىز. بۇرىن ءبىر ات الىپ كەلۋ 3 مىڭ دوللارعا اينالاتىن، قازىر 5,5 مىڭ دوللارعا اينالادى.
ءيا، ەلگە اكەلىنىپ جاتقان تۇلپارلار از ەمەس. ماسەلەن، بىلتىر قازاقستان توپىراعىن 12 مىڭ باس جىلقى باسقان. ونىڭ 9100 ءى رەسەي، 2 مىڭعا جۋىعى ءازىربايجان، 800 ءى قىرعىزستاننان اكەلىندى. ءبىراق ولاردىڭ قانداي ماقساتقا كەلگەنى جايلى اقپار جوق. ال ەلدەن 14 مىڭنان اسا جىلقى شەتەلگە ەكسپورتتالدى. ونىڭ %90 ءى وزبەكستانعا كەتتى. ءيا، الا توپىلى اعايىن زەڭگى بابا تۇقىمىنا دا كوز سالىپ وتىر. بىلتىر 93 مىڭعا جۋىق ءىرى قارا ەكسپورتتالسا، ونىڭ 75 مىڭى وسى ەلگە كەتكەن. ال قالعانى تاجىكستان مەن ءازىربايجانعا جىبەرىلدى.
باعلان ايمىرزايەۆ، ق ر ا ش م مال شارۋاشىلىعى دەپارتامەنتى ديرەكتورىنىڭ ورىنباسارى:
- ەلدە 7,8 ميلليون ءىرى قارا بار. وسى مالدىڭ ىشىندە سىرتقا ەكسپورتتالاتىن مالدىڭ كولەمىن مەملەكەت ارنايىلاپ بەلگىلەپ قويادى. بەلگىلى ءبىر بولىگى ەلدە قالۋ كەرەك. 7,8 ميلليوننىڭ ىشىندە سىرتقا شىعارىلۋى ءتيىس 85 مىڭ عانا. كۆوتامەن ارنايىلاپ بەلگىلەنگەن. ال انالىق ءىرى قاراعا مۇلدە شەكتەۋ قويىلعان. ۇساق مال ەكسپورتىنان دا وزبەكستان كوش باستاپ تۇر. بىلتىر 47 مىڭنان اسا قوي شەتەلگە ەكسپورتتالدى. ونىڭ 41 مىڭنان استامىن الا توپىلى اعايىن ساتىپ العان. ال ەلگە تەك 500 باس قوي كەلدى.
https://24.kz
