قازاقستان ونلاين- قىزمەتتەر يندەكسى بويىنشا 10 كوشباسشى ەلدىڭ قاتارىنا كىردى
بۇگىندە ب ۇ ۇ باعالاۋى بويىنشا قازاقستان سيفرلاندىرۋ سالاسىندا ىلگەرى جەتىستىكتەردى كورسەتىپ وتىر. ءبىزدىڭ ەلىمىز 193 مەملەكەت اراسىندا 24- ورىندا، سونداي- اق ونلاين- قىزمەتتەر يندەكسى بويىنشا 10 كوشباسشىنىڭ قاتارىنا كىرەدى. بۇل تۋرالى ۇكىمەتتىڭ باسپا ءسوز قىزمەتى مالىمدەدى.
قازاقستاندا ينتەرنەت ارقىلى مەملەكەتتىك قىزمەتتەرگە قول جەتكىزۋ %92 عا جەتتى.
سونىمەن قاتار بيومەتريالىق سايكەستەندىرۋ جانە QR قولتاڭبا قىزمەتتەرى ەنگىزىلۋدە، بۇل ەلەكتروندى قىزمەتتەردى الۋ ۇدەرىسىن ەداۋىر جەڭىلدەتتى. 2024 -جىلى QR كودتاردىڭ كومەگىمەن 8 ميلليوننان استام قول قويىلدى، ال Digital ID جۇيەسى ارقىلى 18 ميلليوننان استام سايكەستەندىرۋ جۇرگىزىلدى.
«ەلەكتروندى ۇكىمەت» پلاتفورماسىن جەتىلدىرۋ جانە جاڭعىرتۋ پروتسەسى ۇزدىكسىز جانە ءۇشىنشى نۇسقاعا كوشۋدىڭ بەلسەندى كەزەڭىندە. جاڭا eGov جاساندى ينتەلەكت تەحنولوگيالارىن قولدانۋ ارقىلى ايتارلىقتاي تۇراقتى ءارى ىڭعايلى بولادى.
قازاقستان تاجىكستان، توگو، سەررا- لەونە سياقتى ەلدەرمەن ەلەكتروندى ۇكىمەت سالاسىنداعى وزىق شەشىمدەرىن بولىسە باستادى. مەملەكەت تىركەۋدەن باستاپ كومپانيالاردى تاراتۋعا دەيىنگى قولداۋدىڭ تولىق سيكلىن قامتاماسىز ەتە وتىرىپ، بيزنەس ءۇشىن دە وسىنداي سەرۆيستەردى ازىرلەيدى.
ەسكە سالا كەتەيىك، بۇعان دەيىن 2025 -جىلعا قاراي 20 مىڭ IT مامان دايارلاناتىنىن جازعان بولاتىنبىز.
