قازاقستان تەمىر جولى ءاليا نازاربايەۆانىڭ كومپانياسىنان نەگە باس تارتا الماي وتىر
«قازاقستان تەمىر جولى» ا ق باسقارما ءتوراعاسى نۇرلان ساۋرانبايەۆ بۇرىنعى پرەزيدەنت نۇرسۇلتان نازاربايەۆتىڭ كىشى قىزى ءاليا نازاربايەۆانىڭ كومپانياسىمەن نەلىكتەن جۇمىس ىستەپ وتىرعانىن ءتۇسىندىردى، دەپ حابارلايدى Kazinform.
ۇكىمەت ۇيىندەگى باسپا ءسوز ءماسليحاتىندا ق ت ج باسشىسىنا «ءاليا نازاربايەۆاعا تيەسىلى «ينستانت پەيمەنتس» كومپانياسىمەن قارىم- قاتىناستى ۇزدىڭىزدەر مە؟» دەگەن سۇراق قويىلدى.
«بىرىنشىدەن، بۇل پروبلەمانىڭ ۇزاققا سوزىلعانىن بىلەسىزدەر. وسى ماسەلە تۋىنداعان كەزدە جوعارىدا اتالعان اكسيونەر (ءا. نازاربايەۆا - رەد.) بىردەن اكسيونەرلەر قۇرامىنان شىقتى. ياعني، ول جوق. ءبىراق، مينيستر باعدات مۋسين وسىندا قاسىمدا وتىر، ول قازىر- اق كومپانيامەن كەلىسىمشارتتى بۇزۋعا بولاتىنىن بىلەدى. ءبىراق ودان كەيىن ءبىز ونلاين ساتىپ الۋ قىزمەتىن ۇسىنا الماي قالامىز. دەمەك كومپانيانى وسىلاي بىردەن جۇلىپ الىپ تاستاۋ مۇمكىن ەمەس. ءبىراق قازىرگى ۋاقىتتا قۇزىرەتتى بەرۋ اكتىسى ءجۇرىپ جاتىر - اشىق كونكۋرس ءوتتى، بەلگىلى ءبىر كومپانيا جەڭىپ الدى جانە قازىر «ينستانت پەيمەنت» ج ش س- دەن وسى قىزمەتتى كونكۋرستا جەڭىسكە جەتكەن جاڭا كومپانياعا تاپسىرۋ ءجۇرىپ جاتىر. بۇل پروتسەسس 1-جەلتوقساندا اياقتالادى»، - دەپ جاۋاپ بەردى ن. ساۋرانبايەۆ.
بۇعان دەيىن ق ر پرەمەر- ءمينيسترى ءاليحان سمايىلوۆ «قازاقستان تەمىر جولىنىڭ» قىزمەتىنە كوپ شاعىم تۇسكەنىن ايتقان ەدى.
اۆتور
ايجان سەرىكجان قىزى
