قازاقستان-سلوۆەنيا. قانداي قۇجاتتارعا قول قويىلعانى بەلگىلى بولدى

اقوردانىڭ باسپا ءسوز قىزمەتى تاراتقان اقپاراتقا سايكەس، كەلىسسوزدەر قورىتىندىسى بويىنشا پرەزيدەنتتەر بىرلەسكەن مالىمدەمە قابىلدادى. سونىمەن قاتار رەسمي دەلەگاتسيا مۇشەلەرى تومەندەگىدەي قۇجاتتارعا قول قويدى:

1. قازاقستان رەسپۋبليكاسى عىلىم جانە جوعارى ءبىلىم مينيسترلىگى مەن سلوۆەنيا رەسپۋبليكاسى جوعارى ءبىلىم، عىلىم جانە يننوۆاتسيا مينيسترلىگى اراسىنداعى ءبىلىم جانە عىلىم سالاسى بويىنشا ءوزارا تۇسىنىستىك تۋرالى مەموراندۋم؛

2. قازاقستان رەسپۋبليكاسى تۋريزم جانە سپورت مينيسترلىگى مەن سلوۆەنيا رەسپۋبليكاسى ەكونوميكا، تۋريزم جانە سپورت مينيسترلىگى اراسىنداعى تۋريزم سالاسى بويىنشا ىنتىماقتاستىق جونىندەگى ءوزارا تۇسىنىستىك تۋرالى مەموراندۋم؛

3. قازاقستاننىڭ سىرتقى ساۋدا پالاتاسى مەن سلوۆەنيانىڭ ساۋدا-ونەركاسىپ پالاتاسى اراسىنداعى ءوزارا تۇسىنىستىك تۋرالى مەموراندۋم.

ايتا كەتەيىك، مەملەكەت باسشىسى قاسىم-جومارت توقايەۆ اقوردادا قازاقستانعا رەسمي ساپارمەن كەلگەن سلوۆەنيا پرەزيدەنتى ناتاشا پيرتس-مۋساردى قارسى الدى.

بۇعان دەيىن توقايەۆ قازاقستان-سلوۆەنيا بيزنەس كەڭەسىن قۇرۋدى ۇسىنعانىن جازعان ەدىك.

سونداي-اق، پرەزيدەنت سلوۆەنيامەن قانداي سالالاردا تىڭ جوبالارلار جۇزەگە اسىرىلاتىندىعىن اتادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى