قازاقستان سانيتارلىق اۆياتسياعا جاڭا ۇشاقتار ساتىپ الدى
سانيتارلىق اۆياتسيا قىزمەتىنىڭ تەحنيكالىق پاركى جاڭا ۇشاقتارمەن تولىققان. سەناتوردىڭ سۇراعىنا جاۋاپ بەرگەن دەنساۋلىق ساقتاۋ ۆيتسە-ءمينيسترى تيمۋر سۇلتانعازيەۆ وسىنداي مالىمەت ايتتى، دەپ حابارلايدى Kazinform.
«بۇگىنگى ءۇشجىلدىق بيۋجەت جوباسىندا سانيتارلىق ۇشاقتاردىڭ شىعىنى جىلىنا 2413 ساپارمەن شەكتەلگەن. ونىڭ وزىندە ۇشاقتارعا باعىتتالاتىن شىعىن پايىز عانا»، - دەگەن دەپۋتات سالادا ءالى كۇنگە دەيىن ەسكى ۇشاقتار قىزمەت كورسەتەتىنىن سىنعا الدى. ايتۋىنشا، سونىڭ كەسىرىنەن مەديتسينا ماماندارى قازا تاپقان.
تيمۋر سۇلتانعازيەۆ سانيتارلىق اۆياتسياعا قىزمەت كورسەتەتىن ۇشاقتار ساتىپ الىنعانىن ءمالىم ەتتى. ولاردى قولدانىسقا الۋ ءۇشىن قۇجاتتارىن رەتتەۋ كەرەك كورىنەدى.
«بيىلعى قاراشادا ءتيىستى تىركەۋدەن وتەدى. كەلەسى جىلى سول ۇشاقتار ۇشا باستايدى. جەتكىزۋشى تاراپتىڭ مىندەتتەمەسى بار. ولار الداعى 14 جىلدىڭ ىشىندە اۋە پاركىن جاڭارتىپ وتىرۋى كەرەك»، - دەدى ۆيتسە-مينيستر.
