قازاقستان پرەزيدەنتى قىتاي ءتوراعاسىنا كوڭىل ايتتى
پرەزيدەنت قاسىم-جومارت توقايەۆ قىتايدىڭ سولتۇستىك-باتىسىندا بولعان جەر سىلكىنىسى سالدارىنان كوپتەگەن ادامنىڭ قازا تابۋىنا بايلانىستى قىتاي حالىق رەسپۋبليكاسىنىڭ ءتوراعاسى شي جينپيڭگە كوڭىل ايتتى.
kazinform بۇل تۋرالى اقورداعا سىلتەمە جاساپ حابارلايدى.
«ەلىڭىزدىڭ گانسۋ پروۆينتسياسىندا بولعان جويقىن جەر سىلكىنىسى سالدارىنان كوپتەگەن وتانداستارىڭىزدىڭ قازا تاپقانى تۋرالى سۋىت حاباردى تەرەڭ كۇيزەلىسپەن قابىلدادىم. وسىنداي قيىن ساتتە سىزگە جانە تابيعي اپاتتا جاقىندارىنان ايىرىلعان وتباسىلارعا كوڭىل ايتا وتىرىپ، قىتاي حالقىنىڭ قايعى-قاسىرەتىنە قازاقستاندىقتار ورتاق ەكەنىن جەتكىزەمىن. ءزىلزالا كەزىندە زارداپ شەككەن جاندار تەز ارادا ساۋىعىپ، ءىز-ءتۇسسىز جوعالعان ازاماتتاردىڭ وتباسىلارىنا امان-ەسەن ورالۋىنا تىلەكتەسپىن»، - دەپ جازىلعان جەدەلحاتتا.
ەسكە سالايىق، بۇگىن تۇندە قىتايدىڭ سولتۇستىك-باتىسىنداعى گانسۋ جانە شينحاي پروۆينتسيالارىندا قۋاتتى جەر سىلكىنىسى بولدى. قازا تاپقاندار سانى 100 ادامنان اسقانىن جازعان ەدىك.
