قازاقستان قىتايمەن وڭىرلىك قويما ينفراقۇرىلىمىن قۇرۋدى تالقىلايدى

«ەلەكتروندىق ساۋدانى دامىتۋ شارتتارىنىڭ ءبىرى - قويمالىق جانە لوگيستيكالىق ينفراقۇرىلىمنىڭ بولۋى. 2024 -جىلدىڭ سوڭىنا دەيىن ترانسشەكارالىق ەلەكتروندى ساۋدانى ىنتالاندىرۋ ءۇشىن قىتاي تاراپىمەن بىرلەسىپ، قازاقستاندا وڭىرلىك قويما ينفراقۇرىلىمىن قۇرۋ ماسەلەسىن پىسىقتاۋ جوسپارلانۋدا»، - دەدى ا. شاققاليەۆ ۇكىمەت وتىرىسىندا.

سونىمەن قاتار، اقتوبە جانە اقتاۋ قالالارىندا فۋلفيلمەنت ورتالىقتارى مەن بوند قويمالارى جەلىسىن دامىتۋ جالعاستىرىلاتىن بولادى.

«بوند قويمالارىن اشۋ قىتايدان ەۋروپاعا جانە كەرى باعىتتا تاۋارلاردى ودان ءارى ترانزيتتەۋ ءۇشىن ءىرى شەتەلدىك ماركەتپلەيستەردىڭ تاۋارلارىن ورنالاستىرۋعا مۇمكىندىك بەرەدى. بۇل شەتەلدىك تاۋارلاردى قازاقستاندىق ساتىپ الۋشىلارعا جەتكىزۋ ۋاقىتىن 60-تان 7 كۇنگە دەيىن قىسقارتۋعا مۇمكىندىك بەرەدى»، - دەدى ساۋدا ءمينيسترى.

سونداي- اق، شاعىن جانە ورتا بيزنەس سۋبەكتىلەرىنە كەشەندى مەملەكەتتىك قولداۋ كورسەتۋ ماقساتىندا «اتامەكەن» ۇلتتىق كاسىپكەرلىك پالاتاسىمەن بىرلەسىپ، بارلىق وڭىرلەردە ەلەكتروندىق ساۋدانى وقىتۋ ورتالىقتارى اشىلادى. بۇگىندە مۇنداي وقىتۋ ورتالىقتارى باتىس ءوڭىرىنىڭ 4 وبلىسىندا ىسكە قوسىلدى. وندا كاسىپكەرلەرگە ماركەتپلەيستەردە قالاي تىركەلۋدى، تاۋاردى قالاي ساتۋدى جانە لوگيستيكانى قۇرۋ ۇيرەتىلەدى.

اۆتور

ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى