قازاقستان-قىتاي شەكاراسىنداعى اۆتوكولىك وتكىزۋ پۋنكتتەرى ۋاقىتشا جابىلادى

- قىتاي حالىق رەسپۋبليكاسىنىڭ قۇرىلعان كۇنى (2025 -جىلعى 1-3-قازان) جانە كۇزگى مەيرام (2025 -جىلعى 6 -قازان) مەرەكەلەرىنە بايلانىستى قازاقستان-قىتاي شەكاراسىنداعى اۆتوكولىك وتكىزۋ پۋنكتتەرى ۋاقىتشا جۇمىسىن توقتاتادى. وسى كۇندەرى جەكە تۇلعالارعا، كولىك قۇرالدارى مەن جۇك تاسىمالدارىنا وتكىزۋ جۇرگىزىلمەيدى، - دەپ ءمالىم ەتتى كوميتەتتەگىلەر.

سونىمەن قاتار، تەمىرجول وتكىزۋ پۋنكتتەرى قالىپتى رەجيمدە جۇمىسىن جالعاستىرىپ، كولىك-لوگيستيكا بايلانىسىنىڭ تۇراقتىلىعىن قامتاماسىز ەتەدى.

ايتا كەتەيىك، 2025 -جىلعى 17- قىركۇيەكتە قارجى ءمينيسترى اۆتوموبيل كولىگىمەن مەملەكەتتىك شەكاراسىن كەسىپ ءوتۋ، سونداي-اق جۇك پەن تاۋارلاردى تاسىمالداۋ ەرەجەلەرىنە وزگەرىستەر ەنگىزۋ تۋرالى بۇيرىققا قول قويدى. جاڭا وزگەرىستەرگە سايكەس، جەرگىلىكتى اتقارۋشى ورگاندار ەندى شەكارالىق وتكىزۋ پۋنكتتەرىنىڭ جانىنان كۇتۋ ايماقتارىن ۇيىمداستىرۋى ءتيىس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى