قازاقستان- قىتاي تۋريزمىنىڭ دامۋى قانداستاردى ەلگە تارتۋعا سەرپىن بەرەدى - ۆيتسە- مينيستر
بەيجىڭ. KAZINFORM - قازاقستان مەن قىتاي اراسىنداعى تۋريزمنىڭ دامۋى ارعى بەتتە قالعان قانداستارىمىزدى ەلگە تارتۋعا دا تىڭ سەرپىن بەرەدى.
بۇل تۋرالى Kazinform تىلشىسىنە قىتايداعى قازاقستان ءتۋريزمى جىلىنىڭ رەسمي اشىلۋ سالتاناتىنا كەلگەن ق ر تۋريزم جانە سپورت ۆيتسە ءمينيسترى ەرجان ەركىنبايەۆ ايتىپ بەردى.
«بۇگىنگى تاڭدا قازاقستان مەن قىتاي اراسىنداعى قارىم-قاتىناس وتە جوعارى دەڭگەيدە دامىپ كەلەدى. وتكەن جىلدىڭ سوڭىندا ەكى ەل باسشىلارىنىڭ كەلىسىمىمەن ۆيزاسىز رەجيم جۇيەسى ىسكە استى. ناتيجەسىندە ارعى بەتتەگى قانداستارىمىز ەلگە كىرۋىنە، تۋىسشىلاپ كەلۋىنە ۇلكەن سەپتىگىن تيگىزدى. قازاقستاندىق ازاماتتارى دا ءار ءتۇرلى ماقساتتا قىتايعا كەلۋگە، قىدىرۋعا ۇلكەن مۇمكىندىكتەر الدى. مىنە، بۇگىن بەيجىڭ قالاسىندا ەلىمىزدىڭ قىتايداعى تۋريزم جىلىنىڭ اشىلۋى وتەيىن دەپ جاتىر. بۇل دا ەكى ەل اراسىنداعى تۋريستىك ىقپالداستىقتى ودان ارى دامىتۋعا ۇلكەن جول اشادى دەپ سەنەمىز»، - دەدى ق ر تۋريزم جانە سپورت ۆيتسە ءمينيسترى.
ەستەرىڭىزگە سالا كەتەيىك، الداعى 28-29-ناۋرىز كۇندەرى بەيجىڭدە قىتايداعى قازاقستان تۋريزمى جىلىنىڭ رەسمي اشىلۋ سالتاناتى وتەدى. وسىعان وراي قازاقستاننان بەيجىڭگە 600 گە جۋىق ارنايى دەلەگاتسيا ۇشىپ كەلدى.
اۆتور
كۇنسۇلتان وتارباي
