قازاقستان قورعانىس ءمينيسترى تۇركياعا ساپارلاپ باردى

سونداي- اق، تۇركيانىڭ ۇلتتىق قورعانىس ءمينيسترى ياشار گيۋلەرمەن كەلىسسوزدەر جۇرگىزىپ، ەكىجاقتى ارىپتەستىك جايىن تالقىلادى.

قازاقستاندىق دەلەگاتسيا اۆياتسيالىق تەحنيكا مەن ۇشقىشسىز ۇشۋ اپپاراتتارىن شىعاراتىن بىرىككەن كومپانياعا دا باس سۇعىپ، زاۋىت جۇمىسىمەن تانىستى. بۇدان بولەك رۋسلان جاقسىلىقوۆ قۇرلىق اسكەرلەرىنىڭ اسكەري ۋچيليشەسىندە وقىپ جاتقان قازاقستاندىق كۋرسانتتارمەن دە كەزدەستى.

مينيستر جاستارعا ساتتىلىك تىلەپ، العان بىلىمدەرى مەن داعدىلارى الداعى قىزمەتتەرىندە اسا قاجەت بولاتىندىعىن اتاپ ءوتتى. جالپى قورعانىس ءمينيسترىنىڭ ساپارى تۇركيا رەسپۋبليكاسىنىڭ قۇرىلعانىنا 100 جىل تولۋىمەن تۇسپا تۇس كەلدى. سوندىقتان ۆەدومستۆو جەتەكشىسى باستاعان قازاقستاندىق دەلەگاتسيا «انىت قابىر» مەموريالدىق كەشەنىندە اتاتۇرىك ەسكەرتكىشىنە گۇل شوقتارىن قويۋ راسىمىنە دە قاتىستى.

ولجاس قۇسايىنوۆ، ق ر قورعانىس مينيسترلىگى حالىقارالىق ىنتىماقتاستىق دەپارتامەنتىنىڭ باستىعى:

- بىتىمگەرشىلىك قىزمەت، اسكەري عىلىم سالالارىنداعى بايلانىستى جولعا قويۋ، اسكەري- تەحنيكالىق ىنتىماقتاستىقتى بەلسەندى تۇردە ارتتىرۋ جوسپاردا بار. كەزدەسۋ ناتيجەسى بويىنشا 2024 -جىلعا ارنالعان قازاقستان مەن تۇركيا اراسىنداعى اسكەري ىنتىماقتاستىق جوسپارىنا قول قويىلدى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى