قازاقستان قۇراماسى جالپى مەدالدار كەستەسىندە 18- ورىنعا سىرعىدى

ازىرگە قازاقستان قورجىنىنا 1 التىن، 2 قولا مەدالدان باسقا جۇلدە تۇسپەي تۇر. ال، جالپى مەدالدار سانى بويىنشا قىتاي قۇراماسى كوشباسشىلىقتى بەرەر ەمەس. ولار التىن مەدالدار سانىن 11-گە جەتكىزدى. ودان بولەك 7 كۇمىس، 4 قولا جۇلدەسى بار. بۇگىن ەكىنشى ورىنعا جارىس قوجايىندارى فرانسيا كوتەرىلدى. ولاردىڭ ەنشىسىندە ازىرگە 8 التىن، 11 كۇمىس، 8 قولا بار. ال ۇزدىك ۇشتىكتى 8 التىن، 3 كۇمىس، 4 قولا جۇلدەمەن جاپونيا قۇراماسى تۇيىندەپ تۇر.

بۇگىن پاريج وليمپياداسىندا 5 مەملەكەتتىڭ قورجىنىنا العاشقى جۇلدەلەرى ءتۇستى. وسىلايشا مەدالعا قول جەتكىزگەن ەلدەر سانى 45-كە جەتتى.

ەستەرىڭىزگە سالا كەتسەك، فرانسيا استاناسى پاريج قالاسىندا ءوتىپ جاتقان XXXIII جازعى وليمپيادا ويىندارى 11-تامىزدا مارەسىنە جەتەدى. ويىندارعا الەمنىڭ 205 ەلىنەن 10500 سپورتشى قاتىسىپ جاتىر. وليمپياداشىلارىمىز 32 سپورت تۇرىنەن 329 مەدال جيىنتىعى ساراپقا سالۋدا.

اۆتور

كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى