قازاقستان قارجىگەرلەر كونگرەسىندە «سيفرلىق تەڭگە» جوباسى ىسكە قوسىلدى
قازاقستان قارجىگەرلەرىنىڭ XI كونگرەسىندە ەۋرازيالىق بانك Mastercard پلاتفورماسىندا شىعارعان سيفرلىق تەڭگەدەگى جاڭا دەبەتتىك كارتا ۇسىنىلدى، دەپ حابارلايدى Kazinform.
ۇلتتىق ۆاليۋتانىڭ 30 جىلدىعى كۇنى سيفرلىق تەڭگەدەگى كارتا بويىنشا العاشقى ساتىپ الۋدى قازاقستاننىڭ ۇلتتىق تولەم كورپوراتسياسىنىڭ ءتوراعاسى بينۇر جالەنوۆ جاسادى. سيفرلىق تەڭگەدەگى شوتتاعى قاراجات لەزدە ءداستۇرلى تەڭگەگە ايىرباستالدى جانە الەمنىڭ كەز كەلگەن نۇكتەسىندە كارتامەن تولەۋ ءۇشىن قولجەتىمدى بولدى.
«سيفرلىق تەڭگە - قولما-قول جانە قولما-قول ەمەس اقشادان باسقا ۇلتتىق ۆاليۋتانىڭ ءۇشىنشى نىسانى. ول يننوۆاتسيالىق قارجى قىزمەتتەرىن قۇرۋ ءۇشىن بلوكچەين تەحنولوگياسىنىڭ الەۋەتىن اشادى، مەملەكەتتىك شىعىستاردىڭ اتاۋلىلىعى مەن تيىمدىلىگىن قامتاماسىز ەتەدى، سونداي-اق ءداستۇرلى قارجى مەن سيفرلىق اكتيۆتەر الەمى اراسىندا «كوپىر» سالادى. بۇگىن وتكىزىلگەن ىسكە قوسۋ سيفرلىق تەڭگە ەكوجۇيەسىن دامىتۋعا باستاما بولدى جانە جاقىن ارادا قازاقستاندىقتار ونىڭ نەگىزىندە العاشقى ونىمدەردى پايدالانا الادى»، - دەپ اتاپ ءوتتى قازاقستاننىڭ ۇلتتىق تولەم كورپوراتسياسىنىڭ ءتوراعاسى بينۇر جالەنوۆ.
ايتۋىنشا، تسيفرلىق تەڭگە اتاۋلى الەۋمەتتىك تولەمدەر، مەملەكەتتىك ساتىپ الۋ تيىمدىلىگىن ارتتىرۋ، ترانسشەكارالىق تولەمدەردى وڭتايلاندىرۋ، باعدارلامالاناتىن تولەمدەردى قۇرۋ ءۇشىن جاڭا مۇمكىندىكتەر اشاتىن قولما-قول جانە قولما-قول اقشاسىز اقشانىڭ بۇرىننان بار ارتىقشىلىقتارىن بىرىكتىرەدى. سيفرلىق تەڭگەنى ءۇش كەزەڭمەن ەنگىزۋ 2025-جىلدىڭ سوڭىنا قاراي اياقتالادى دەپ كۇتىلۋدە.
«سيفرلىق تەڭگە» جوباسىنا قاتىسۋ بلوكچەين جانە كريپتوۆاليۋتا تەحنولوگياسىن قولدانا وتىرىپ، تۇتىنۋشىلار مەن بيزنەس ءۇشىن يننوۆاتسيالىق ونىمدەردى ىسكە قوسۋ، سيفرلىق اكتيۆتەر ءۇشىن رەتتەۋشى نەگىزدى دامىتۋ بويىنشا مۇمكىندىكتەر اشادى جانە تۇتاستاي العاندا بۇل ەلدەگى جاڭا سيفرلىق ەكونوميكانى دامىتۋداعى ۇلكەن قادام. ۇلتتىق ۆاليۋتانىڭ ەنگىزىلۋىنىڭ 30 جىلدىعىن اتاپ وتەتىن كۇندەرى قازاقستاندىقتارعا سيفرلىق تەڭگەدەگى تولەم كارتاسىن ۇسىنعانىمىزدىڭ سيمۆولدىق ءمانى بار. بۇل كارتا ءبىزدىڭ كليەنتتەرىمىز اراسىندا سۇرانىسقا يە جانە تانىمال ءونىم بولاتىنىنا سەنىمدىمىز»، - دەدى ەۋرازيالىق بانكتىڭ باسقارما ءتوراعاسى ءلاززات ساتيەۆا.
ساراپشىلاردىڭ ايتۋىنشا، سيفرلىق تەڭگەدەگى دەبەتتىك كارتا ۇستاۋشىلار ءۇشىن دە، ساۋدا كاسىپورىندارىنىڭ يەلەرى ءۇشىن دە ءبىرقاتار ماڭىزدى ارتىقشىلىقتاردى ۇسىنادى. كارتا ۇستاۋشى بانكتەگى سيفرلىق تەڭگەدەگى شوتقا قول جەتكىزە الادى جانە ونىمەن بىرگە تولەمنىڭ تاعى ءبىر تاسىلىنە جانە ءوز قاراجاتىن باسقارۋعا يكەمدىلىككە قول جەتكىزەدى. كارتا يەلەرى سيفرلىق تەڭگەنى وفلاين، ينتەرنەت-دۇكەندەردە جانە ءتۇرلى سايتتار مەن قوسىمشالاردا قاۋىپسىز جۇمساي الادى. كارتانى تۇتىنۋشىنىڭ تەلەفونىندا، ساعاتىندا نەمەسە قالتاسىنداعى اميانىندا ساقتاۋعا بولادى.
