قازاقستان قالالارىندا قۇرما باعاسى قانشا تۇرادى

قازاقستاندا قۇرمانىڭ سۇرپى، ساپاسى مەن ساتۋ ورنىنا قاراي باعا ءارتۇرلى. سالماعى 500-600 گر بولاتىن قۇرما باعاسى ورتا ەسەپپەن 600-1300 تەڭگە تۇرادى. ال ەكسكليۋزيۆ سۇرپىنىڭ كەلىسى 3000 تەڭگەدەن باستالادى.

قاراعاندى مەن جەزقازعاندا يراندىق قۇرمانىڭ 500 گرامىن 400-800 تەڭگەگە ساتىپ الۋعا بولادى. پاتشالار سۇرپىنىڭ كەلىسى 5000 تەڭگەدەن باستالادى.

ال تۇركىستاندا 500 گر بولاتىن قۇرما باعاسى 600-650 تەڭگە تۇرادى. كەلىسىن 1000-1200 تەڭگەگە ساتىپ جاتىر. الماتىدا 500 گرام بولاتىن قۇرما قۇنى 620 تەڭگەدەن باستالىپ، 800 تەڭگەگە دەيىن جەتەدى. ال سالماعى 600 گرامدىق قۇرما 650 تەڭگە تۇرادى. الجيرلىك قۇرما (200 گرام) باعاسى 730 تەڭگە دەپ كورسەتىلگەن.

كوكشەتاۋدا 500 گرام بولاتىن قۇرمانىڭ قورابى 660 تەڭگە، 600 گرام قۇرما باعاسى 929-1209 تەڭگە بولىپ تۇر. شىمكەنتتە 500 گر بولاتىن قۇرما قۇنى - 650-1300 تەڭگە. ال قونايەۆ قالاسىندا 500 گرامدىق قۇرما 670-1200 تەڭگە تۇرادى.

سەمەيدە 500 گرام بولاتىن يراندىق قۇرمانى 700-1000 تەڭگەگە ساتىپ الۋعا بولادى. ال ساۋد ارابياسىنىڭ ءونىمى 3000-5000 تەڭگە تۇرادى. پاۆلوداردا سالماعى 500 گرام بولاتىن قۇرما قورابى - 800 تەڭگە، پەتروپاۆل جانە تارازدا - 850 تەڭگە.

اقتاۋدا قۇرما قورابى 800-1000 تەڭگە بولسا، پاتشالار سۇرپىنىڭ كەلىسى 5800-7000 تەڭگە. وسكەمەندە يراندىق قۇرما باعاسى 850-1000 تەڭگە دەپ كورسەتىلگەن. ال ساۋد ارابياسىنىڭ ءونىمى كەلىسىنە 3000-5500 تەڭگە تۇرادى.

استانادا سالماعى 500 گرام بولاتىن قۇرما باعاسى - 899-1399 تەڭگە. ال سالماعى 200 گرامدىق اجۋا قۇرماسى 519 تەڭگە تۇرادى. سىيلىققا ارنالعان قوراپتاعى قۇرما قۇنى - 7775 تەڭگە.

ورال مەن تالدىقورعاندا 500 گرامدىق قۇرما قورابى - 1000-1500 تەڭگە. اقتوبەدە باعا - 1001 تەڭگە، ال 300 گرامدىق قوراپتاعى قۇرما قۇنى 684 تەڭگە تۇرادى. اتىراۋدا 500 گرامدىق يراندىق قۇرما باعاسى 1160 تەڭگە، 200 گرامدىق پاتشالار سۇرپى 1490 تەڭگە، اجۋا قۇرماسىنىڭ كەلىسى 9000 تەڭگە تۇرادى.

قوستانايدا سالماعى 500 گرام بولاتىن قۇرما 1260 تەڭگە تۇرادى. 200 گرامدىق قۇرمانى 500-570 تەڭگەگە ساتىپ الۋعا بولادى. پاتشالار سۇرپىنىڭ كەلىسى 9000 تەڭگە تۇرادى. قىزىلوردادا 500 گرامدىق قۇرما باعاسى 1900 تەڭگە بولسا، پاتشالار سۇرپىنىڭ باعاسى (250 گرام) 2940 تەڭگە تۇرادى.

قازىرگى كەزدە شوكولادتى قۇرما سۇرانىسقا يە. ايماقتاردىڭ كوپشىلىگىندە 100 گرام بولاتىن ءونىم باعاسى 1900 تەڭگەدەن باستالىپ، سالماعىنا قاراي 5900-12000 تەڭگەگە دەيىن جەتەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى