قازاقستان قالالارىندا جاڭاجىلدىق كەشتەردىڭ باعاسى قانشا

كوكشەتاۋ مەيرامحانالارى جاڭا جىلدى ەڭ قولجەتىمدى باعادا - ادام باسىنا 10 مىڭ تەڭگەگە قارسى الۋدى ۇسىنادى. بۇل سوماعا ەكى ىستىق تاعام، بەس سالات، ەكى ءتۇرلى شاي كىرەدى. الكوگولدى ىشىمدىكتەر مەن شايعا تاتتىلەردى سىرتتان الىپ كەلۋگە رۇقسات بەرىلەدى. سونداي-اق كونسەرتتىك باعدارلاما، جۇرگىزۋشى، شوۋ-بالەت قويىلىمى، اياز اتا مەن اقشاقاردىڭ قۇتتىقتاۋى دا قۋانتا تۇسپەك. كەيبىر مەيرامحانالار جاڭا جىلدىق برونداۋ ءۇشىن 20-25 مىڭ تەڭگە سۇرايدى. سونىمەن قاتار، كەيبىر مەيرامحانا يەلەرى بيىل كورپوراتيۆتىك كەش وتكىزۋدەن مۇلدە باس تارتقان. ولار مۇنداي شارالار بويىنشا ءىرى بيزنەستەن اسىپ ءتۇسۋ قيىن ەكەنىن العا تارتادى.

جاڭا جىلدى ءتيىمدى قارسى الۋعا بولاتىن تاعى ءبىر قالالار - ورال مەن سەمەي. مۇنداعى باعا ادام باسىنا 10-15 مىڭ تەڭگەدەن 25 مىڭ تەڭگەگە دەيىن جەتەدى. وسىنداي شاماداعى سومانى تاراز بەن وسكەمەندە دە جۇمساۋعا بولادى. الايدا، بۇل قالالاردا الكوگول مەن سۋسىندار باعاعا كىرمەيدى. ءبىراق باعاسى جوعارىراق ءىرى مەكەمەلەر ولاردى وزىڭىزبەن بىرگە الىپ كەلۋگە رۇقسات ەتەدى.

تۇركىستان تۇرعىندارى ءۇشىن جاڭا جىلدىق كەش ءسال قىمباتقا - 15-تەن 30 مىڭ تەڭگەگە جەتۋى مۇمكىن. قىزىلوردا مەن تالدىقورعاندا باعا 15-25 مىڭ تەڭگە ارالىعىندا.

اقتوبەدە جاڭاجىلدىق كورپوراتيۆتەر قۇنى 15-30 مىڭ تەڭگەدەن باستالادى. بۇل باعاعا الكوگول كىرمەيدى، ءبىراق كەشتە قازاقستاندىق ەسترادا جۇلدىزدارى ونەر كورسەتەدى.

قوستانايدا جاڭاجىلدىق كەشتى 15-35 مىڭ تەڭگە ارالىعىندا ۇيىمداستىرۋعا بولادى. مۇندا تانىمال ارتىستەردىڭ قاتىسۋىمەن all inclusive باعدارلامالار دا بار.

پەتروپاۆلدا جاڭاجىلدىق كەش ءۇشىن ورتاشا باعا - ادام باسىنا 15 مىڭ تەڭگە. بۇل سوماعا الكوگول مەن شاي داستارحانى كىرمەيدى. باعا 25 مىڭ تەڭگەگە دەيىن جەتۋى مۇمكىن، ءبىراق كوپتەگەن مەكەمەلەر ءوز باعدارلامالارى مەن اس ءمازىرىن 18-20 مىڭ تەڭگەگە باعالاپ وتىر.

جەزقازعاندا باستاپقى باعالار ءسال جوعارى - ادام باسىنا 16-18 مىڭ تەڭگەدەن باستالادى.

اقتاۋ مەن اتىراۋدا كورپوراتيۆتىك كەش وتكىزۋ قۇنى ادام باسىنا 20-35 مىڭ تەڭگەدەن باستالادى. شىمكەنتتە جاڭا جىلدىق كەشتىڭ ەڭ تومەنگى باعاسى - 20 مىڭ تەڭگە (ەكونوم- پاكەت)، ءبىراق كەيبىر جەرلەردە باعا 38 مىڭ تەڭگەگە دەيىن كوتەرىلەدى.

жаңа

پاۆلوداردا «كورپوراتيۆتەردىڭ» ورتاشا باعاسى - 20-25 مىڭ تەڭگە، كەيبىر مەيرامحانالاردا بۇل باعا 30 مىڭ تەڭگەگە دەيىن جەتەدى. قالا تۇرعىندارى مۇنداي باعالاردى تىم قىمبات دەپ ەسەپتەيدى.

قاراعاندىدا كورپوراتيۆتەر قىمباتتىراق - 25-45 مىڭ تەڭگە ارالىعىندا. الكوگول مەن شاي داستارحانى ءداستۇرلى تۇردە بولەك تولەنەدى.

استانادا كورپوراتيۆتەردىڭ باعاسى 25 مىڭ تەڭگەدەن باستالىپ، ورتا ەسەپپەن 35 مىڭ تەڭگەگە دەيىن جەتەدى. ءبىراق مۇندا دا ەرەكشەلىكتەر بار. كەيبىر مەيرامحانالار زالداردى تۇتاستاي جالعا بەرەدى، ياعني بۇل جەرگە كىرۋ ءۇشىن كەمىندە 50 ورىن برونداۋ كەرەك. جاڭاجىلدىق ءمازىر 30-35 مىڭ تەڭگە شاماسىندا بولادى، ال ايىرماشىلىق تەك الكوگولدى ونىمدەرگە بايلانىستى. باعاعا اس ءمازىرى، بار، مەرەكەلىك باعدارلاما، سونداي- اق اياز اتا مەن اقشاقاردىڭ قۇتتىقتاۋى كىرەدى.

الماتىدا دا كورپوراتيۆ باعالارى شامامەن وسىنداي - 25-35 مىڭ تەڭگە ارالىعىندا. كەيبىر مەيرامحانالار ارنايى جاڭاجىلدىق پاكەتتەر ۇسىنادى. مىسالى، 25 مىڭ تەڭگە  %10+ قىزمەت كورسەتۋ اقىسى - ناتيجەسىندە ءبىر ادامعا 27 500 تەڭگە شىعادى. ەكىنشى پاكەت - 29 مىڭ تەڭگە  %10+ قىزمەت كورسەتۋ اقىسى - بارلىعى 31900 تەڭگە. بۇل باعاعا ءۇش ءتۇرلى سالات، سۋىق تاعامدار، ءبىر ىستىق تاعام جانە بار قىزمەتى كىرەدى. 29 مىڭدىق پاكەتتە قوسىمشا ەكىنشى ىستىق تاعام مەن بەس ءتۇرلى تاعامدار ۇسىنىلادى.

كوپتەگەن مەكەمەلەر 15-20-جەلتوقسان مەن 1-قاڭتار ارالىعىندا جۇمىس ىستەيدى، ءبىراق 31-جەلتوقساندا باعا ادام باسىنا 30-35 مىڭ تەڭگەگە دەيىن كوتەرىلەدى، وعان %10 قىزمەت كورسەتۋ اقىسى قوسىلادى.

اۆتور

ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى