قازاقستان ە ق ى ۇ- نى نىعايتۋعا ۇلەس قوسۋعا دايىن - مۇرات نۇرتىلەۋ

بۇل تۋرالى «ورتالىق ازيا – ە ق ى ۇ» سىرتقى ىستەر مينيسترلەرىنىڭ فورۋمىندا پرەمەر-ءمينيستردىڭ ورىنباسارى - سىرتقى ىستەر ءمينيسترى مۇرات نۇرتىلەۋ ايتتى، دەپ حابارلايدى Kazinform ءتىلشىسى اشحابادتان.

«بۇگىندە ورىن الىپ وتىرعان سىن-تەگەۋرىندەر شارتتى تۇردە الەمدەگى بارلىق ۇلتقا قاتىستى. قازاقستانعا قاتىستى ايتار بولساق، ءبىز تەڭگەرىمدى، ۆەكتورلى قىزمەتتى جۇزەگە اسىرۋعا تىرىسامىز. ارينە، ب ۇ ۇ حارتياسىن دا، ۇلتتىق زاڭنامانى دا ۇستاناتىندىعىمىز ءسوزسىز. 5 جىل بۇرىن «ۇجىمدىق، جان-جاقتى، باقىلاناتىن قاۋىپسىزدىك» دەپ اتالاتىن بىرەگەي جۇيەنى قابىلدادىق. بۇگىندە ەش شەكتەۋسىز ورتاق ماقساتتارىمىزدى ايتا الامىن. ە ق ى ۇ قازىرگى ۋاقىتتا وسىناۋ سىن-تەگەۋرىندەردى شەشۋدە بارىنشا ماڭىزدى، سەنىمدى سەرىكتەسىمىزگە اينالىپ وتىر. بارلىق ۇلتتىڭ ماقساتى مەن ءبىزدىڭ مىندەتتەمەلەرىمىزدىڭ بارشاسى بوستاندىقتىڭ ىرگەلى ۇستانىمدارىنا نەگىزدەلگەن. وسى تۇرعىدان العاندا قازاقستان ەۋرازيالىق وڭىردە ءوزىنىڭ ماڭىزدى ۇلەسىن قوسىپ كەلەدى. ورتالىق ازيا ە ق ى ۇ- ىمەن ىنتىماقتاستىقتا قاۋىپسىزدىكتىڭ نىعايۋىن قامتاماسىز ەتۋدە ماڭىزدى رولگە يە ەكەندىگىنە سەنىمدىمىن. ورتالىق ازيا مەن ازيا ءوڭىرى ە ق ى ۇ- مەن جانە مۇشە مەملەكەتتەرمەن بىرلەسە وتىرىپ، كوپدەڭگەيلى قاۋىپسىزدىك ستراتەگياسىن ازىرلەدى»، - دەدى مۇرات نۇرتىلەۋ فورۋم بارىسىندا.

ق ر س ءى م باسشىسىنىڭ ايتۋىنشا، اتالعان قۇجاتتا ورتالىق ازيا ەلدەرىنىڭ شەكاراسىن قورعاۋ، ساۋدا-ساتتىقتى جانداندىرۋ، ەنەرگەتيكا قاۋىپسىزدىگى، دەموكراتيا مەن ادام قۇقىقتارىن دامىتۋ ماسەلەلەرى قاراستىرىلعان.

«قازاقستان ە ق ى ۇ- نى نىعايتۋعا ءوز ۇلەسىن قوسۋعا، ءىس باسىنداعى ءتوراعاعا ودان ءارى جاردەم بەرۋگە دايىن ەكەندىگىن راستايدى. ە ق ى ۇ وزگە ۇيىمداردىڭ الدىندا، ەڭ الدىمەن، ىمىرا نەگىزىندە شەشىم قابىلداۋداعى بىرەگەي ادىسىمەن ناقتى باسىمدىققا يە. مۇنداي ءادىس بارلىق قاتىسۋشى مەملەكەتتىڭ تەڭدىگىنە كەپىلدىك بەرەدى. بۇل ءبىزدىڭ ۇيىمىمىزدى قازىرگى زامانعى پروبلەمالاردى شەشۋدە ءتۇرلى كوزقاراستاردى بىلدىرەتىن جانە بىرىكتىرەتىن بىرەگەي ەۋرازيالىق قۇرىلىمعا اينالدىرادى»، - دەدى مينيستر.

ەسكە سالايىق، ق ر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇرات نۇرتىلەۋ تۇرىكمەنستاندىق ارىپتەسىنىڭ شاقىرۋىمەن اشحابادقا رەسمي ساپارمەن بارعانىن جازعان بولاتىنبىز.

م. نۇرتىلەۋ تۇرىكمەنستان مينيسترلەر كابينەتى ءتوراعاسىنىڭ ورىنباسارى، سىرتقى ىستەر ءمينيسترى راشيد مەرەدوۆ وڭىرلىك جانە حالىقارالىق كۇن تارتىبىندەگى وزەكتى ماسەلەلەر بويىنشا «ساعاتتارىن تەڭەستىردى».

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى