قازاقستان نارىعىندا التىن قىمباتتادى

بۇگىن ۇلتتىق بانك بەكىتكەن التىننىڭ ءبىر گرامىنىڭ رەسمي قۇنى - 44495 تەڭگە.

2024-جىلدىڭ باسىنان بەرى التىن ءبىر گرامى 30,3 مىڭ تەڭگەدەن 44495 مىڭ تەڭگەگە دەيىن وسكەن.

التىننىڭ قىمباتتاۋىنا ينۆەستورلار، ءوندىرىس سەكتورى تاراپىنان سۇرانىستىڭ ارتۋى سەبەپ.

2024-جىلدىڭ III توقسانىندا ەكىنشى دەڭگەيلى بانكتەر مەن بانكتىك ەمەس جەكەلەگەن ايىرباستاۋ پۋنكتەرىندە جالپى سالماعى 475,5 كەلى 13940 التىن قۇيما ساتىلدى.

ايتا كەتەيىك، حالىققا تازارتىلعان التىن قۇيمالاردى ساتۋ جانە ساتىپ الۋ باعدارلاماسىن ۇلتتىق بانك 2017-جىلى ىسكە قوسقان بولاتىن. باعدارلاما قولعا الىنعالى جالپى سالماعى 7,4 توننا 199235 التىن قۇيما ساتىلدى.

التىن قۇيمالار بەس ءتۇرلى سالماقتا ۇسىنىلادى: 5، 10، 20، 50 جانە 100 گرام ساتىپ الۋشىلار اراسىندا وتە جوعارى سۇرانىسقا يە ءتۇرى - 10 گرامدىق التىن قۇيما. جالپى ساتىلعان قۇيمالار اراسىندا ونىڭ ۇلەسى %24 - 48629 دانا. ودان كەيىن 100 گرامدىق التىن قۇيما - 47227 دانا (%24)، 5 گرامدىق قۇيما - 44127 دانا (%22)، 20 گرامدىق قۇيما - 31612 دانا (%16)، جانە 50 گرامدىق قۇيما - 27640 دانا (%14).

ۇلتتىق بانك بازالىق مولشەرلەمەنى %15,25 عا دەيىن كوتەردى.

سونداي-اق ۇلتتىق بانك ءتوراعاسى تيمۋر سۇلەيمەنوۆ دوللار باعامىنىڭ وزگەرۋى يمپورت تاۋارلارى قۇنىنا اسەر ەتۋى مۇمكىن ەكەنىن ايتتى.

ۇلتتىق ەكونوميكا ءمينيسترى نۇرلان بايبازاروۆتىڭ ايتۋىنشا، تەڭگە باعامىنىڭ السىرەۋىنە نەگىزگى ءۇش فاكتور اسەر ەتىپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى