قازاقستان نارىعىنا جاڭا شەتەلدىك ينتەرنەت بايلانىس وپەراتورلارى كىرەدى
سيفرلىق دامۋ، يننوۆاتسيالار جانە ايەروعارىش ونەركاسىبى مينيسترلىگى تەلەكوممۋنيكاتسيالار كوميتەتى سىمسىز بايلانىس جوبالاردى دامىتۋ جانە مونيتورينگىلەۋ باسقارماسىنىڭ باسشىسى ولجاس كابەنوۆ اۋىل مەكتەپتەرىن Starlink ينتەرنەت جەلىسىنە قوسۋ پروتسەسى تۋرالى ءتۇسىندىردى، دەپ حابارلايدى Kazinform.
«قازىر اتالعان جۇيەگە اۋىلداردى ەمەس، تەستىلىك رەجيمدە مەكتەپتەردى قوستىق. وسى ورايدا 10 اۋىل مەكتەبى SpaceX كومپانياسىنىڭ Starlink تەحنولوگياسى ارقىلى تەستىلىك رەجيمدە كەڭ جولاقتى ينتەرنەتكە قوسىلدى. مۇنداي قادامدار ەلىمىزدە ينتەرنەت جۇيەسى نارىعىن دامىتۋعا ىقپال ەتەدى»، - دەدى و. كابەنوۆ ەلوردادا وتكەن باسپا ءسوز ءماسليحاتىندا.
بۇل تۇرعىدا ول Starlink-تەن باسقا OneWeb جانە SES سياقتى وپەراتورلار بار ەكەنىن ەسكە سالدى.
«OneWeb جانە SES كومپانيالارى الداعى جىلدان باستاپ ەلىمىزدىڭ اۋماعىندا قىزمەت ەتۋدى جوسپارلاپ وتىر»، - دەدى كوميتەت وكىلى.
بۇدان بۇرىن حابارلانعانداي، 2000 اۋىل مەكتەبىن Starlink جوعارى جىلدامدىقتى ينتەرنەتكە قوسۋ ماسەلەسى پىسىقتالىپ جاتىر.
اۆتور
رۋسلان عابباسوۆ
