قازاقستان مەن يزرايل وزىق تەحنولوگيالار باعىتىندا سەرىكتەس بولۋى مۇمكىن
استانا. KAZINFORM - قازاقستان پرەزيدەنتى قاسىم-جومارت توقايەۆ يزرايل مەملەكەتى كنەسسەتىنىڭ ءتوراعاسى امير وحانانى قابىلدادى.
قاسىم-جومارت توقايەۆتىڭ ايتۋىنشا، يزرايل پارلامەنتى سپيكەرىنىڭ قازاقستانعا ساپارى قازاق- يزرايل قارىم-قاتىناسىن نىعايتۋعا ەكى ەلدىڭ دە بەيىل ەكەنىن راستايدى. مەملەكەت باسشىسى ەكىجاقتى ىنتىماقتاستىقتىڭ پەرسپەكتيۆاسىن قاراستىرۋ تۇرعىسىنان بۇل ساپاردىڭ ءمانى زور دەپ سانايدى.
كەزدەسۋدە ساۋدا-ەكونوميكالىق سەرىكتەستىككە باسا نازار اۋدارىلدى.
سونىمەن قاتار سۋ رەسۋرستارى سالاسىنداعى كووپەراتسيا ماسەلەسى تالقىلاندى. قاسىم-جومارت توقايەۆ يزرايلدە جاسالعان وزىق تەحنولوگيالارعا جوعارى باعا بەرىپ، ەلىمىز اتالعان باعىتتا سەرىكتەستىك ورناتۋعا ءازىر ەكەنىن راستادى.
امير وحانا قوناقجايلىق تانىتقانى ءۇشىن قازاقستان پرەزيدەنتىنە العىس ايتتى. ول ەكى ەلدىڭ كوپ جوسپارلى بايلانىستارىنىڭ تابىستى دامىپ، ىقپالداستىقتىڭ جاڭا مۇمكىندىكتەرىنە جول اشىپ كەلە جاتقانىنا توقتالدى.
ايتا كەتەيىك، قاسىم-جومارت توقايەۆ الەكساندر ۆۋچيچتى بيىل قازاقستانعا رەسمي ساپارمەن كەلۋگە شاقىردى.
اۆتور
اسحات رايقۇل
