قازاقستان مەن يزرايل س ءى م باسشىلارى تەلەفون ارقىلى سويلەستى

اڭگىمە بارىسىندا قوس تاراپ ساۋدا- ەكونوميكالىق، ينۆەستيتسيالىق جانە مادەني- گۋمانيتارلىق سالالارداعى ەكىجاقتى قارىم- قاتىناستاردىڭ ۇدەمەلى سيپاتىن اتاپ ءوتتى.

يزرايل سىرتقى ىستەر ءمينيسترى تاياۋ شىعىستاعى يزرايل مەن پالەستينالىق حاماس قوزعالىسى اراسىنداعى قاقتىعىس اياسىنداعى قازىرگى جاعدايمەن تانىستىردى.

م. نۇرتىلەۋ قاقتىعىستىڭ شيەلەنىسۋىنە جانە اسكەري ءىس- قيمىل ايماعىنداعى جاعدايدىڭ ورشۋىنە الاڭداۋشىلىق ءبىلدىردى. ق ر س ءى م باسشىسى قازىرگى قاقتىعىسقا قاتىستى قازاقستاننىڭ ۇستانىمىن جەتكىزدى.

قازاقستان ءمينيسترى قاقتىعىسۋشى تاراپتاردى تاياۋ شىعىستا بەيبىتشىلىك پەن تۇراقتىلىقتىڭ جولدارىن ىزدەۋگە شاقىردى. بۇل ماسەلەنىڭ بۇكىل الەم قاۋىمداستىعى ءۇشىن جاھاندىق ماڭىزى بار ەكەنىنە نازار اۋداردى.

وسى تۇرعىدا قازاقستاندىق ديپلومات ق ر پرەزيدەنتى قاسىم-جومارت توقايەۆتىڭ ت م د سامميتىندەگى مالىمدەمەسىن اتاپ ءوتىپ، جاعدايدىڭ شيەلەنىسۋى تەك تاياۋ شىعىستا عانا ەمەس، جالپى الەمدە اۋىر زارداپتارعا اكەلۋى مۇمكىن ەكەنىن باسا ايتتى. وسىعان بايلانىستى قازاقستان يزرايل- پالەستينا شيەلەنىسىن بەيبىت كەلىسسوزدەر مەن ديپلوماتيالىق ديالوگ ارقىلى شەشۋگە بەيىلدى.

م. نۇرتىلەۋ يزرايلدىك ارىپتەسىنە گازا سەكتورىنداعى قازاقستان ازاماتتارىن ەۆاكۋاتسيالاۋعا جاردەمدەسۋ تۋرالى سەنىمدى ءوتىنىش ءبىلدىرىپ، بۇل مىندەتتىڭ ەلىمىز ءۇشىن ءبىرىنشى كەزەكتەگى باسىمدىق ەكەنىن اتاپ ءوتتى. ول سونداي- اق ە. كوەندى قازاقستاندىقتاردىڭ وتانىمىزعا تەزىرەك ورالۋى بويىنشا مىسىر بيلىگىمەن جۇرگىزىلىپ جاتقان جۇمىس بارىسى تۋرالى حاباردار ەتتى.

مينيستر ە. كوەن بەرىلگەن اقپارات ءۇشىن ارىپتەسىنە العىس ايتىپ، يزرايل تاراپى قازاقستان ازاماتتارىن ەۆاكۋاتسيالاۋ ماسەلەسىن شەشۋگە بار كۇش- جىگەرىن سالاتىنىنا جانە بۇل ماسەلەنى ءوزىنىڭ جەكە باقىلاۋعا الاتىنىن جەتكىزدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى