قازاقستان مەن يوردانيا ۋران سالاسىندا بىرلەسكەن كاسىپورىن قۇرادى

- بۇگىن يوردانيا كورولى II ابداللا بەن ءال- حۋسەيننىڭ رەسمي ساپارى اياسىندا «سامۇرىق- قازىنا» توبىنىڭ ەنشىلەس كومپانياسى - «قازاتومونەركاسىپ» يوردانيانىڭ JUMCO كومپانياسىمەن كەلىسىمگە قول قويادى. بۇل كەلىسىمگە سايكەس، 2026 -جىلدىڭ سوڭىنا دەيىن «قازاتومونەركاسىپ» پەن JUMCO بىرلەسكەن كاسىپورىن قۇرادى. «قازاتومونەركاسىپ» ۇلەسى - 70، ال JUMCO ۇلەسى 30 پايىز بولادى. بىرلەسكەن كاسىپورىن يوردانيانىڭ ۋران سالاسىمەن اينالىسادى، - دەدى نۇرلان جاقىپوۆ.

ايتا كەتەيىك، بۇگىن اقوردادا پرەزيدەنت قاسىم-جومارت توقايەۆ پەن ەلىمىزگە رەسمي ساپارمەن كەلگەن يوردانيا كورولى II ابداللا بەن ءال- حۋسەين جوعارى دەڭگەيدە كەلىسسوزدەر وتكىزەدى.

ەستەرىڭىزگە سالا كەتسەك، كەشە پرەزيدەنت قاسىم-جومارت توقايەۆ يوردانيا كورولىن استانا اۋەجايىنان قارسى العان ەدى.

مارتەبەلى مەيمان مىنگەن بورتتى ەل شەكاراسىنان ەلورداعا دەيىن قازاقستان رەسپۋبليكاسى اۋە قورعانىسى كۇشتەرىنىڭ ۇشاقتارى الىپ ءجۇردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى