قازاقستان مەن وزبەكستان ءوزارا تاۋار اينالىمىن 10 ميلليارد دوللارعا جەتكىزۋگە مۇددەلى
تاشكەنت. KAZINFORM - تاشكەنتتە قازاقستان مەن وزبەكستان اراسىنداعى ەكونوميكالىق بايلانىستاردى نىعايتۋ جانە تاۋار اينالىمىن ارتتىرۋ ماسەلەلەرى تالقىلاندى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
ق ر سىرتقى ىستەر ءمينيسترىنىڭ ورىنباسارى الىبەك قۋانتىروۆ پەن ساۋدا جانە ينتەگراتسيا ۆيتسە-ءمينيسترى قايرات تورەبايەۆ تاشكەنتكە جۇمىس ساپارىمەن كەلدى. ونىڭ اياسىندا ولار وزبەكستاننىڭ ساۋدا ءمينيسترى لازيز كۋدراتوۆپەن كەزدەستى.
تاراپتار ءوزارا تاۋار اينالىمىن ارتتىرۋعا كەدەرگى بولىپ وتىرعان شەكتەۋ شارالارىن الىپ تاستاۋ مۇمكىندىگىن تالقىلادى. اتاپ ايتقاندا، اۋىل شارۋاشىلىعى ونىمدەرىن جەكتكىزۋگە كۆوتا ءبولۋ، تاۋاردى سەرتيفيكاتتاۋ ءۇشىن ەلەكتروندىق جۇيەلەردى قولدانۋ جانە كەدەن بەكەتتەرىنە جوندەۋ جۇرگىزۋگە ۋاعدالاستى.
- «ورتالىق ازيا» حالىقارالىق ونەركاسىپتىك كووپەراتسيا ورتالىعىنىڭ قىزمەتىن جانداندىرۋ مۇمكىندىكتەرى تالقىلاندى. سونىمەن قاتار، ءوزارا تاۋار اينالىمىنىڭ كولەمىن 10 ميلليارد دوللارعا دەيىن جەتكىزۋگە باعىتتالعان باعدارلامانى كەلىسۋ ءتارتىبى قارالدى، - دەپ ءمالىم ەتتى ءو ر ينۆەستيتسيا، ونەركاسىپ جانە ساۋدا مينيسترلىگىنىڭ باسپا ءسوز قىزمەتىنەن.
ەسكە سالايىق، بىلتىر قازاقستان مەن وزبەكستان اراسىنداعى تاۋار اينالىمى 4,2 ميلليارد دوللاردان استى. اتاپ ايتقاندا، 2024-جىلى رەسمي تاشكەنت استاناعا 1,4 ميلليارد دوللاردىڭ تاۋارىن ەكسپورتتاپ، 2,8 ميلليارد دوللاردان استام سوماعا تاۋار يمپورتتاعان.
بۇعان دەيىن حابارلاعانىمىزداي، وزبەكستاندا قازاقستاندىق كاپيتالمەن مىڭنان استام كاسىپورىن جۇمىس ىستەيدى. بۇل رەتتە رەسمي استانا مەن تاشكەنت اراسىنداعى ءوڭىرارالىق بايلانىس نىعايىپ كەلەدى.
سونىمەن قاتار قازاقستان مەن وزبەكستاندى بايلانىستىراتىن جاڭا تەمىرجول جەلىسى سالىنىپ جاتىر.
