قازاقستان مەن وزبەكستان اراسىنداعى ساۋدا-ساتتىق كولەمى 1,9 ميلليارد دوللاردان استى
تاشكەنت. KAZINFORM - العاشقى جارتىجىلدىقتىڭ قورىتىندىسى بويىنشا قازاقستان وزبەكستاننىڭ نەگىزگى ساۋدا سەرىكتەستەرىنىڭ ۇشتىگىندە قالدى، دەپ حابارلايدى Kazinform اگەنتتىگىنىڭ تاشكەنتتەگى مەنشىكتى ءتىلشىسى ءاليحان اسقار.
قاڭتار- ماۋسىم ايلارىندا ەلدەگى سىرتقى ساۋدا اينالىمى 31,8 ميلليارد دوللارعا جەتىپ، بىلتىرعى كەزەڭمەن سالىستىرعاندا %8,5 عا ءوستى. وزبەكستان ستاتيستيكا اگەنتتىگىنىڭ اقپاراتىنا ساي، بۇگىنگى تاڭدا كورشىلەس مەملەكەت الەمنىڭ 186 ەلىمەن ساۋدا-ساتتىق جاسايدى.
جارتى جىلدىڭ قورىتىندىسى بويىنشا ەلدىڭ باستى ساۋدا سەرىكتەستەرى كوشىن قىتاي باستاپ تۇر. ەكى مەمەلەكەت اراسىنداعى تاۋار اينالىمى 5,8 ميلليارد دوللاردان (جالپى كولەمنىڭ %18,5) استى. ودان كەيىنگى ورىندا ساۋدا-ساتتىقتىڭ %18,1 ۇلەسى تيەسىلى رەسەي تۇر. بۇل ەلمەن اراداعى يمپورت- ەكسپورت كولەمى 5,7 ميلليارد دوللاردان ارتىق.
سونىمەن قاتار، كوشباسشىلاردىڭ ۇشتىگىن قازاقستان تۇيىندەدى. ءبىزدىڭ ەل مەن وزبەكستان اراسىنداعى تاۋار اينالىمى 1,9 ميلليارد دوللاردان استى (جالپى كولەمنىڭ %6).
«قازاقستان قىتاي مەن رەسەيدەن كەيىنگى وزبەكستاننىڭ ەڭ ءىرى سىرتقى ەكونوميكالىق سەرىكتەستەرىنىڭ بىرىنە اينالدى. بۇعان ورتاق شەكارانىڭ بولۋى، ت م د اياسىندا ەركىن ساۋدا جاساۋ، سونداي-اق ءوزارا ەكونوميكالىق قاتىناستاردى جۇيەلى جولعا قويۋ ىقپال ەتتى»، - دەلىنگەن ستاتيستيكا اگەنتتىگىنىڭ دەرەكتەرىندە.
قامتىلىپ وتىرعان كەزەڭدە وزبەكستان قازاقستانعا 619,8 ميلليون دوللاردىڭ تاۋارىن ەكسپورتتاپ، 1,2 ميلليارد دوللاردىڭ تاۋارىن يمپورتتاعان.
اۆتور
ءاليحان اسقار
