قازاقستان مەن وڭتۇستىك كورەيا قورعانىس مينيسترلەرىنىڭ كەلىسسوزى وتپەيتىن بولدى
استانا. KAZINFORM - قورعانىس مينيسترلىگى ۆەدومستۆو باسشىسىنىڭ وڭتۇستىك كورەيا قورعانىس مينيسترىمەن وتۋگە ءتيىس بولعان كەلىسسوزى وتپەيتىنىن ءمالىم ەتتى.
- ق ر قورعانىس مينيسترلىگى قورعانىس ءمينيسترىنىڭ كورەيا رەسپۋبليكاسىنا جوسپارلانعان ساپارى كورەي تاراپىنىڭ باستاماسىمەن وتپەي قالعانىن حابارلايدى. كورەيا تاراپىنىڭ جاۋابى قوسا بەرىلگەن، - دەپ جازىلعان مينيسترلىكتىڭ رەسمي اقپاراتىندا.
وڭتۇستىك كورەيا تاراپىنىڭ رەسمي مالىمەتىنە سۇيەنسەك، كەلىسسوزدىڭ وتپەۋىنە ەلدىڭ ىشىندەگى ساياسي احۋال تۇرتكى بولعان.
- كورەيا رەسپۋبليكاسىنىڭ ۇلتتىق قورعانىس مينيسترلىگى قازاقستان قورعانىس ءمينيسترىنىڭ كورەياعا ساپارىنا قاتىستى مىنانى حابارلايدى. ەلىمىزدەگى ىشكى جاعدايعا بايلانىستى بۇگىن كورەياعا ساپار مۇمكىن ەمەستىگىن حابارلايمىز، - دەپ جازىلعان مالىمەتتە.
ەسكە سالساق، ەلدەگى ساياسي احۋالدىڭ سالدارىنان كەشە تۇستەن كەيىن وڭتۇستىك كورەيانىڭ قورعانىس ءمينيسترى وتستاۆكاعا كەتكەن ەدى.
3 -جەلتوقساندا وڭتۇستىك كورەيا پرەزيدەنتى يۋن سوك ەل ەلدە اسكەري جاعداي ەنگىزىلەتىنىن حابارلاعاننان كەيىن ساياسي اۋحال شيەلەنىسكەن بولاتىن.
سونداي- اق، سىرتقى ىستەر ءمينيسترىنىڭ ورىنباسارى الىبەك باقايەۆ ساياسي احۋالى شيەلەنىسكەن وڭتۇستىك كورەيا مەن گرۋزياداعى قازاقستاندىقتاردىڭ قاۋىپسىزدىگى تۋرالى پىكىر ءبىلدىردى.
